زبدةالاشعار

نفس دوشوب شماریه یتیش هرایه یا حسین #حسینیه #بیدق_داری

توسل به حضرت امام حسین (ع)
گریز به #قتلگاه

.
✍️ #زبدةالاشعار ✍️
.
🆔: @nohe_torki
.
#سبک_دل_شب_ایلیوب_سفر … 4 سبک
.
حاج داود بیدق داری
.
نفس دوشوب شماریه یتیش هرایه یا حسین
شکسته نی کیمی بدن گلوب نوایه یاحسین
.
.
بیرعمریدور گوزل آدون دیلیمده ازبر ائتمیشم
چراغ عشقوویله من اورک منور ائتمیشم
یوخومدی ادعا خطا قاپوندا کمتر ائتمیشم
ولیک ، پادشاه ائدر عطا گدایه یاحسین
.
.
هره بیر آرزوئیلن بو آستانه یول سالوب
قاپوندا دوز غلام اولان همیشه مطلبین آلوب
توکنده گوزیاشی سنه، بو فکرشیعه ده قالوب
مریض عشقون عاقبت چاتار دوایه یاحسین
.
.
اوتوز بئش ایلدی آتش مصیبتونده یانمیشام
بیر عمرقاره پرچمه بلاده دالدالانمیشام
یازاندا نوحه آغلیوب صفای دل قازانمیشام
عنایتیله سنده باخ بو بینوایه یاحسین
.
.
دوشوب خیالیمه گنه بلای دشت کربلا
فضای قتلگاه اولوب گوزومده جلوه گر آقا
یخوبلا کوفیان سنی اورک یارا کورک یارا
ملک باخاندا یارووه گلوب نوایه یاحسین
.
.
وروبلا نعل تازه نی بیرعده دوشدی میدانا
چاپاندا آت اوپیکره سپیلدی قانی هریانا
عوالمین نظامیده قوشولدی قانلی توفانا
تمام شش جهت اودم گلوب صدایه یاحسین
.
.
او آتلارین ایاقلاری داغیتدی قانی چوللره
او قانی غملی فاطمه یاخوبدی قاره معجره
فرشته حمل ائدوب اونی فراز عرش داوره
گوی اهلی احترامیلن باخوب دمایه یاحسین
.
.
یئراوسته بیرخانم ولی یارالی پیکر آختارور
اوقان ایچینده گوئیا بهالی گوهر آختارور
باخور سینان سومکلره بوغاز گورور سر آختارور
دئیورنجه صبور اولوم بو ابتلایه یاحسین
.
.
بوظلمی کافر ایلمز ائدوبدی کوفیان سنه
جگرقانین گرک توکم بودردوغمده دامنه
اوقدری چاپدیلار آتی یارالی خسته بیر تنه
تاننمیور نه اوزگیه نه آشنایه یاحسین
.
.
دوشوبدی نوکرون آقا بیرآیدی غملی بستره
رقیه احترامینه عنایت ایله داوره
دوباره زینت آرتیرا آدون یازاندا دفتره
سنونکیدور بوخسته جان یتور شفایه یاحسین
.
.
#حسینیه #بیدق_داری
#حسینیه_مدح #حسینیه_شهادت
#نفس_دوشوب_شماریه_یتیش_هرایه_یا_حسین
#ترکی

.
✍️ #زبدةالاشعار ✍️
.
🆔: @nohe_torki

نظر دهید

دسته بندی درختی

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

Search
Generic filters
Filter by Custom Post Type

دسته بندی درختی