زبدةالاشعار

نه وقته دین بو خرابه یرده اوجالسون عرشه فغانیم عمّه #حضرت_رقیه #عاصی_تبریزی

زبانحال رقیه خاتون (س) خطاب بحضرت زینب (س)
.
✍️ #زبدةالاشعار ✍️
.
🆔: @nohe_tork
.
#سبک_آچیلدی_پرچم … 10 سبک
مشابه

.
مرحوم عاصی تبریزی
.
نه وقته دین بو خرابه یرده
اوجالسون عرشه فغانیم عمّه
اجل گلیدی خلاص اولیدی
قوری یر اوستن بو جانیم عمه
ندندی گلمور بابام سفردن
کسوبدی لطفون بو خون جگردن
.
.
اوزون بولورسن بو مدتی من
نه چکموشم بو خرابه یرده
دمادم آرتوب غم و ملالیم
بو غملو گوگلوم گلوبدی درده
اگر گلیدی بابام سفردن
باخیدی منده بو روی زرده
گورردی عمریم گلی سولوبدى
یتوبدی فصل خزانیم عمّه
.
.
نه نوعى آخماز عذاره اشگی
نوایه گلمز بو دلشکسته
بو وضع حالیم بو روزگاریم
بو قولّار یمدور طنابه بسته
غم و مصیبت یوروب زبسکه
وجودیم ائیله اولوبدی خسته
اورکده قالموب داخی قراریم
یوخومدی درده توانیم عمّه
.
.
هانی مدینه او ائل قبیله
هانی بس عمّه او عزت و شأن
نولوبدی آخر عموم عم اوغلوم
هانی بس اکبر او مهر رخشان
آتام حسینه نولوبدی آیا
قویوب بو جمعی بئله پریشان
ندندی سالمور خیاله بیر دم
بیزی او شاه جهانیم عمّه
.
.
گر ئولمیوبدی آتام ای عمّه
باشا سالوبسان کیمین قراسین
قالور گر اكبر بویور گورم بس
دوتوبدی لیلا کیمین عزاسین
ندندی بولمم منه باخاندا
یانوب سیزیلدار بو آل یاسین
سبب او دور که منیمده آرتار
اورکده سوز نهانیم عمه
.
.
او قدری وار دور اورکده دردیم
دئماقا گلمور سنه یوزومدن
اوزون بولورسن ندور ملالیم
سنه عیاندور بو بیر سوزومدن
ز بسکه آجلیق اولوب مؤثر
گئدوبدی عمّه یوخی گوزومدن
اولا منیم تک بو شهریده آج
یوخومدی بیر کس گمانیم عمه
.
.
اگر قالیدی بابام ای عمّه
آیرمازیدی منی اوزیندن
بو مدتی گور رضا اولاردی
کنار اولیدی گوزوم یوزیندن
یقین باشندا وار ابتلاسی
منی بو نوعی سالوب گوزیدن
بیر آیری غمدن خبر وئرور چون
منه بو اشگ روانیم عمه
.
.
ائله سیخوبدور قولومی آخر
طناب ای عمه ائدوبدی یاره
صباح و شامی وئرور اذیت
یانور وجودیم دوتور شراره
صغیر اوشاقدا اولور نه طاقت
دوزوب دایانسون بئله فشاره
ندن بس ئولمور قیزون رقیه
باشوا آخر دولانیم عمّه
.
.
دی آشکارین بو بینوایه
ندور او قاره باشا سالوبسان
كیمون ئولوبدی گتور بیانه
گوروم بوحاله ندن قالوبسان
او حالویله بو اهلبیتین
قرار و صبرین تمام آلوبسان
سنه باخاندا حرملر آغلور
منیمده آرتور فغانیم عمه
.
.
توک اشگ چشمون بوغمده عاصی
گئجه گونوز گل فغان و داده
بو آغلاماقلیق بو نوحه یازماق
وئرر نتیجه سنه جزاده
سالاردی یاده گئچن زمانین
دیردی گویا بو شاهزاده
نه وقته دین بو خرابه یرده
اوجالسون عرشه فغانیم عمه
.
.
#حضرت_رقیه_شهادت #عاصی_تبریزی
#نه_وقته_دین_بو_خرابه_یرده_اوجالسون_عرشه_فغانیم_عمه
#ترکی
.
✍️ #زبدةالاشعار ✍️
.
🆔: @nohe_tork
.

نظر دهید

دسته بندی درختی

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

Search
Generic filters
Filter by Custom Post Type

دسته بندی درختی