نیر افلاکه ای انوار رحمت یاعلی #فاطمیه_فقیر_خویی

وصیت حضرت زهرای مرضیه «س»
..
..
..
..
مجید قلعه بیگی «فقیرخویی»
..
..
..
..
نیّر افلاکه ای انوار رحمت یا علی
افتخار آفرینش،زیب خلقت یا علی
..
..
..
..
ای جمال اللّهه مظهر، عشقیوه حق بیقرار
هسته ی هستی، دلیل خلقتِ خرد و کبار
ای ئوزی مرآت یزدان،حیدرِ دُلدل سوار
تاپدی فصل وصل پایان،شاه امّت یا علی
..
..
..
..
دردیمین بولدون آزون، قالدی او دنیایه چوخی
اولدی احسان عشقیوه،بو دلبرین گر وار یوخی
سنده احسان ائیله اگلش عشقیوه قرآن اوخی
جان وئروم جانانه راحت،با طراوت یا علی
..
..
..
..
آیرولور زهرا عم اوغلی،قلبی یاره دیده تر
موسم هجران یتیردی،سینم اولدی شعله ور
قویما قالسون دورت بالام مندن صورا،خونین جگر
آل اولارین گویلونی کان محبت یا علی
..
..
..
..
وار گلایم محضرِ داداره ظلم ثانیدن
حامله بیر عورتی سالدی ایاقدان،جانیدن
بین دیوار و در ائتدیم تا دفاع قرآنیدن
دختر پیغمبره،اولدی جسارت یا علی
..
..
..
..
سینه می مسمار اؤپوپ باش اگمه دیم اهریمنه
سسلدوم من همسر شیر خدایم،باخ منه
سیلی دگدی،قمچی دگدی،من دوام ائتدوم گنه
چوخ چتیندی،شرح او حال و حکایت یا علی
..
..
..
..
ال نه ال، سیلی نه سیلی، عاجزم گفتاریدن
اوت دوتوب یاندی یؤزوم اول ضربه ی خونخواریدن
تنگیدی کوچه دگوب بیر ضربه ده دیواریدن
گوردی اوغلوم کوچه ده اولدی قیامت یا علی
..
..
..
..
من که ترک ائتدوم بو دنیانی ایا شاه منیر
قویما گلسین کفن و دفنه،عاملانی بیر به بیر
لطف ائله وئر سؤزِ مطلب،دردیمی یازسون «فقیر»
چونکی سنسن شاعرانه،روحِ خلقت یا علی

#فاطمیه #فقیر_خویی #فاطمیه_شهادت #ترکی #زبدةالاشعار