وارد شهر دمشق اولدی قطار کربلا #ورود_شام_فقیر_خویی

ورود اهلبیت اطهار(ع) به شام شوم
..
..
..
..
..
مجید قلعه بیگی (فقیر خوئی)
..
..
..
..
..
وارد شهر دمشق اولدی قطار کربلا
مرکز شهره یغیشدی شامیان بی حیا
..
هرزه ملت ال چالوردی حافظان مذهبه
بو جسارت قتل وغارتدن چتین گلدی بلالی زینبه
..
..
..
..
بیر نفر یوخدی دئسون بو کاروان هاردان گلور
های دوشوبدور خارجیلر،سینه ده افغان گلور
دست بسته، رأس صفده، ناطق قرآن گلور
اهلبیت مصطفانی باغلیوبلار قول قولا
دل یارا، سینه یارا، پیکریارا، لبلریارا
..
..
..
..
ایله اوضاعده گلوردی دختران پنج تن
گویده لاهوتان قالوب، انگشت حیرت بردهن
ال چالوردی عترت پیغمبره اهل فتن
کوی و برزندن یغوبلار، پیر و برنا داشلاری
سنگباران ائتدولر، سرنیزه لرده باشلاری
..
..
..
..
باوفا عورتلر ائتدی ساچلارون یوزده نقاب
اولماسون نامحرمه گل یوزلری کشف حجاب
گوردی بیر صحنه خانم زینب، دئدی ئولدی رباب
وای ربابین حالینه گوردی نه نوعی صحنه نی
نیزه یه ویرموشدی دشمنلر، سرِ شش ماهه نی
..
..
..
..
گوردی بواحوالی زینب، کاروانی ساخلادی
داش آتانلاردا اوتاندی، اصغره قان آغلادی
مرد و زن، بیکس ربابین حالینه دل داغلادی
یوز دوتوب حضّار شامه قهرمان کربلا
اول مقدم مقتلینده شرح ائدوب چوخ، باصفا
..
..
..
..
چوخ خلاصه ایلیوب صحبت عزیز فاطمه
ئوز دوتوب حضّار شامه، شیردل بی واهمه
ایلدوزبیعت نه قیمتله، بولورسوز هئچ کیمه؟
کیم وئروب رأی اول شرفسیز رهبربی غیرته؟
تا قیامت مستحقدور لعن وسبّ و لعنته
..
..
..
..
سیزکی قورخوزدان امیر ائتدوز سگ خودکامه نی
ال ایاق آچدی یازوب قتل حسینه نامه نی
روز روشن ائتدی غارت منبر و عمامه نی
فکر ائلور پیروز اولوب فخر ایلوری اؤز باشینه
آند اولا زهرایه تختین من چووررم باشینه
..
..
..
..
بیربولوک عورت اوشاقی دیده گریان ایلدوز
آدیزی مسلم قویوب تحریف قرآن ایلدوز
آت دوشنده سوره ی والفجری شان شان ایلدوز
سیزویروبسوزقلب لیلایه او اکبرداغینی
سیزحسینون نصف شب کسدوزچیچک بارماغینی
..
..
..
..
سیز حسینون نصف شبده یاندیروبسوز خیمه سین
سیندروبسوز دست ظلمیله شرف آئینه سین
آشکار ائتدوز یزیدین کینه ی دیرینه سین
ایلدوزاطفال طاهانی شقاوتلن اسیر
نظمه چکدی قطره سین،دریای ایذادن«فقیر»
..
..
..
..
..
#ورود_شام
#وارد_شهر_دمشق_اولدی_قطار_کربلا
#فقیر_خویی
#ترکی
#زبدةالاشعار