ویروبله زمرۀ عشاق جان محرمده #ورود_محرم_حزین_خسروشاهی

ماه محرم
..
..
..
مرحوم حاج حیدر خسروشاهی
..
..
..
ویروبله زمرۀ عُشاق جان محرّمده
رموز عشقی ائدوبلر عیان محرّمده
..
..
..
گوروبدی سبط نبی جدی چکدیقی زحمت
هدر گیدور قویولور دینده گون به گون بدعت
علیه ظلمه اودور ائتدی ایله بیر نهضت
که ویردی پیکر دینه توان محرّمده
..
..
..
قیام ایلدی بیر معنوی مرام اوسته
ویروبدی سس اونا بیر جمع پاک و وارسته
او راد مردِ حقیقت شعار شایسته
مجاز اهلین ائدوب امتحان محرّمده
..
..
..
گوروب که دین آدینا دین حق اولور پامال
گیدوبدی جامعۀ مسلمیندن استقلال
او قدر قالمورى یتسون اساس دینه زوال
زوالدن ویره شرعه امان محرّمده
..
..
..
حجاز ملکونی ترک ائتدی شهریار حجاز
عراق دشتنی دولدوردی شور سوز و گداز
اولوب بو شور و نوائیله نینوا ممتاز
حسینی لر اودور ایلر فغان محرّمده
..
..
..
بلی اوکس که ائدر بیر مهم امری قبول
گرک اؤزون بوله درگاه حقّده مسئول
على الخصوص امام بحق، اساس اصول
بو امره قانیله ویردی ضمان محرّمده
..
..
..
یغوبدی باشینه بیر عدّه پاک انسانلار
اولار بویاندیلا قانه اویاندی وجدانلار
حقیقت اوسته توکولدی بو آیدا چوخ قانلار
اودور همیشه گلر جوشه قان محرّمده
..
..
..
امام مفترض الطاعیه گروه جفا
یزیده بیعتی تکلیف ائتدیلر عجبا
بویوردی ذلّت بیعت قبول ائدم حاشا
باشیم ولو اولا زیب سنان محرّمده
..
..
..
بیز آل هاشمی خالق اؤزی ائدوب ممتاز
ندور حقیقتیمیز درک ائدنمز اهل مجاز
شهادتیم اولی جاوید عمرومه آغاز
بولرله سرّینی اهل جهان محرّمده
..
..
..
ائدلّه ساحت توحیدی شرکدن ایمن
یغیشدی بیر یره هفتاد و دو تن یکتن
ائدوبله کرببلا عرصه گاهینی گلشن
دولوب طراوته بو گلستان محرّمده
..
..
..
ائله حماسه یاراتدی او رهبر احرار
که اولدی جملۀ احراره نهضتی معیار
ائله حماسه گورنمز بو گردش دوّار
اگر چه مینلر اولا جانفشان محرّمده
..
..
..
گر ائتمییدی او شه دین حق یولوندا قیام
اولوردی ملعبۀ اشقیای دون اسلام
همان قیامدن اسلام تاپدی استحکام
یتیشدی پیکرینه تازه جان محرّمده
..
..
..
گیچوبدی ما ملکیندن او راد مرد جهان
ویروبدی وار یوخونی اوز مرامینه قربان
اوزی جوانلاری انصاری جمله وئردیله جان
«حزین» اولار اولارا نوحه خوان محرّمده
..
..
..
#ورود_محرم #حزین_خسروشاهی #ترکی #زبدةالاشعار