در مذمّت اشخاص ریاست طلب
گریز به قتلگاه
..
..
..
ذاکر هشترودی
..
..
..
چوخ دانشدیرما منی جانا بو قلبیم خسته دور
بیر بیله جنگ و جدل قارداش ریاست اوسته دور
..
..
..
بو ریاست چوخلارین آرامینی الدن آلوب
بو ریاست چوخلارین اسلامیدن آیری سالوب
بو ریاست اوسته چوخلار دین و قرآنی دانوب
یوخ حقیقتدن خبر بیر باش ریاست اوسته دور
..
..
..
هر ریاست صندلینده اگلشن دین ساخلاماز
طالب اولسا کیم مقامه دین و قرآن یوخلاماز
هر گیجه نقشه چکر قلبینده بیر آن یوخلاماز
تا اولا فرداسینه پاداش ریاست اوسته دور
..
..
..
بیر بیله ناحقی حق، یا حقی نا حق ایتدیلر
عار اولا بیر عده لر شیطان یولیندان گیتدیلر
کربلاده فاطمه اوغلون ندن ترک ایتدیلر
جمع اولوب یوز مین نفر اوباش ریاست اوسته دور
..
..
..
دقت ایله کربلانین قلبیدن غوغاسینه
یا یزیدین امرینون لشگرده باخ اجراسینه
فکر خام ایلر بیری ری ملکینون سوداسینه
سعدین اوغلی اولدی بیر خفّاش ریاست اوسته دور
..
..
..
کربلائین من دیدی غوغاسینه چوخ عاشقم
وعدۀ ری آلموشام بوغداسینه چوخ عاشقم
جنگ ایدم پیروز اولام فرداسینه چوخ عاشقم
بیر آلام اربابیدن پاداش ریاست اوسته دور
..
..
..
حکم ایدوبدور سعدین اوغلی لشکره بیداد ایدون
معاویه اوغلی امیروزدور اونی دلشاد ایدون
جنگ ایدون پیروز اولون دنیا ایوین آباد ایدون
عیبی یوخدور قلبوز اولسا داش ریاست اوسته دور
..
..
..
فاطمه اوغلین آرایه آلدی یوزمین حیله گر
فرصتی وحشی عرب الدن ویرر بیرده مگر
هانسی ملت گور سیزالله اوز امامین ئولدورر
باخ حسینه چوخ وروبلار داش ریاست اوسته دور
..
..
..
ای عزادار حسینی دقت ایله بو سوزه
داش دگوب قان سجده گاهیندن نیجه سوزدی گوزه
عاشقان دلباختگان مشکلدی بو بنده دوزه
گوردیلر شمری اولوب بشّاش ریاست اوسته دور
..
..
..
«ذاکری» سعی ایله قبره الده بیر توشه آپار
باخماسن بیر عده لر دینین بو دنیایه ساتار
داشلار آتدا بیر گون اما آغلیان گوزلر یاتار
بیر بیله جنگ و جدل قارداش ریاست اوسته دور
..
..
#پندیات #ذاکر_هشترودی #حسینیه_ذاکر_هشترودی #حسینیه #حسینیه_مدح #ترکی #زبدةالاشعار #حسینیه_شهادت
نظر دهید