شب قدر
✍️ زبدة الاشعار ✍️
?: @nohe_torki
سید بشیر حسینی میانجی
چون یانور صبحه کیمی شمع شبستان بوگجه
یاتا بیلمور اودی پروانه‌ی ایمان بوگجه
یاغوری فجره کیمی فیض و سلامت یاغیشی
قلبلر مولکی اولور مثل گلستان بوگجه
سوره‌ی قدرین اَوَل آیه‌سی مدرکدی منه
نازل اولموش دلِ پیغمبره قرآن بوگجه
قدرینی بیل شب قدرین گوزه‌لیم همت ائله
لیلة‌القدریدی افضلدی مین آیدان بوگجه
الله اذنیله ملکلر بوتون ایش‌لردن اوتور
یوز قویوللار یئره هر لحظه و هرآن بوگجه
سرنوشتی بیر ایلین لوحیده تقدیر اولونور
آنَیلاردا یازوری کاتب سبحان بوگجه
اوخی قرآنی خوصوصاً بو نئچه سوره‌لری
«عنکبوت»ی اوخو «روم»ی اوخو «دخَان» بوگجه
نا امید اولما کی مأیوس ائلمز بنده سینی
درگه لطفین آچیب خالق رحمان بوگجه
معصیت دفتر و دیوانیوه باخ توبه ائله
پاک اولا قاره اولان دفتر و دیوان بوگجه
سنی ای سائل الی بوش یولا سالماز تاری
چون کرم صاحبیدی ایلر احسان بوگجه
وار تمناسی «بشیر»ین چاغیراق یابن الحسن
تا بیزه باش چکه بیر یول شه خوبان بوگجه
#مناجات
#رمضانیه
#شب_قدر
#چون_یانور_صبحه_کیمی_شمع_شبستان_بو_گجه
#سیدبشیرحسینی
#ترکی
✍️ #زبدةالاشعار ✍️
?: @nohe_torki
نظر دهید