گوردیلر نیزه ده رأس شه داور دایانوب #راه_شام_مضطر_اردبیلی

راه شام
..
..
..
#سبک_ای_منیم_آرخام_ایلیم (با اضافه کردن واگیر) … #سبک_یارالی_جان_یارالی … #سبک_شهریاریمسن_آقا … #سبک_کربلا_منتظر_ماست … 4 سبک …
..
..
..
..
مرحوم مضطر اردبیلی
..
..
..
..
..
گوردیلر نیزه ده رأس شه داور دایانوب
شامه گیتمگ لیگی ترک ایلوب او سرور دایانوب
سر اطهر دایانوب
..
..
..
..
..
ویردیلر شمر لعینه خبر ای خانه خراب
بو نجه سرّدور آخر بیزه بیر سویله جواب
ایلدی رأس حسین بیزلری بی قوّت و تاب
دیه سن غزوۂ صفّینیده حیدر دایانوب
..
..
..
..
..
بحر حیرت بیزی غرق ایلدی بو سرّه جهت
قالموشوق واله و حیران هامی دیوانه صفت
مصطفا نائبی شامه داخی ایتمز حرکت
اولموشوق چاره سینون عاجزی لشکر دایانوب
..
..
..
..
..
باخوب اوضاعه تعجّبده قالوب شمر او زمان
نیزیه گلدی او ظالم نقدر ویردی تکان
گوردی ممکن دگل اصلاً حرکت ایندی گمان
عرش اعظم کیمی سالموش یره لنگر دایانوب
..
..
..
..
..
قالوب حیرتده دیدی لشکره ای قوم دغا
اون ایکی ضربت تیغیمله بو شه اولدی رضا
تشنه لب ذبح ایلدوم باشینی با جور و جفا
صبردن چیخمیوب هیچ وقتیده یکسر دایانوب
..
..
..
..
..
ویردیلر سیّد سجّاده بو احوالی خبر
ایلیوب تشنه بابون وجهی ندور ترک سفر
قیلدی بیمار غمین نیزه ده اول شاهه نظر
گوردی دال سمتینه حسرتله باخور سر دایانوب
..
..
..
..
..
ایستدی تا قویا غم سینه سینه دست ادب
رأس شاه دو سرادن سوروشا تا که سبب
رنج غُل جامعه بیر یان مرض شدّت تب
گوردی ممکن دگل هم باغلیدی اللر دایانوب
..
..
..
..
..
ناقه اوستن ایلدی نیزه ده اول شاهه سلام
عرض ایدوب ای باشی دالدان کسیلن تشنه امام
نیه موقوف ایدوبن اولمیوسان عازم شام
قالوب حیرتده هامی فرقۀ کافر دایانوب
..
..
..
..
..
ایله بو سرّی بابا عابد بیماروه فاش
قورخوسان باشیوه شام ایچره عجوزه وورا داش
یا سبب دور سوسوز اطفالیلرون توکدوگی یاش
یا ندور وجهی بابا رأس مطهّر دایانوب
..
..
..
..
..
یری وار ایلیه فرمایش او فرزند رسول
گیتمرم شامه بو قومه بئله کشف ایله اوغول
ووردیلار سیلی سکینم یوزینه قوم جهول
ناقه دن دوشدی بیابانیده مضطر دایانوب
..
..
..
..
..
«مضطر» غم زده هر صبح و مسا حسرتیلن
آرزومندیدی یاربّ، بو جمعیّتیلن
محضر مرقد حضرتده گوره رأفتیلن
هامی ئوز مطلبین آلماقلیقا یکسر دایانوب
..
..
..
..
..