زبدةالاشعار

گوردی الینه قیزلار آلوب جام علی اکبر #شب_عاشورا_ثابت_اردبیلی

حالات حضرت علی اکبر (ع) در شب عاشورا
..
..
..
..
مرحوم ثابت اردبیلی
..
..
..
..
گوردی الینه قیزلار آلوب جام علی اکبر
آخر گئجه گئتدی سووا ناکام علی اکبر
..
..
..
..
عمامۀ پیغمبری ابروسینه اندی
دلبند حسین صفلره دوندردی سمندی
دلدن اوجالوب گوگلره تکبیر بلندی
شمشیری دولاندیردی علی تک علی اکبر
باشلاری توکوب تپراقا دلبند پیمبر
..
..
..
..
سرکرده لرون تیغ دوسر ووردی بئلیندن
قویمازدی کناره چیخا راه اجلیندن
دورت مین اوخ آتان اوخلارینی آتدی الیندن
اولسون بو جوانلار سنه قربان علی اکبر
دیوانه ائدن شیعه لری جان علی اکبر
..
..
..
..
خدمت ائلدون آیۀ قرآن مبینه
مردانه فدا ائتمگه جان پرچم دینه
تل اوسته تماشایه دوروب شاه مدینه
اكبر سنی ال باشدا دعا ائتدی سکینه
گلدی صودامر اصغرینی آلدى الینه
..
..
..
..
اكبر سسینی آلدی آنا خیمه سراده
گلدى الى قوینوندا خانم ناله و داده
لیلا دئدی فرصت یتیشر قوم عناده
عطشاندی کومکسیزدی بالام قانلو مناده
طوفاندی الهی بو گئجه کرب وبلاده
..
..
..
..
لیلا ال آچوب درگه والایه چکوب آه
سالم یتورن یوسفی یعقوبینه الله
ای صاحب درگاه اولان قلبیدن آگاه
الله بالامی حفظ ائله سن تیغ بلادن
سالم بالامی گلدی گوروم قانلو منادن
..
..
..
..
گلدی خانمون ناله سینه یاندی سکینه
عرض ایلدی احوالوه اودلاندی سکینه
لیلا آنا گوزیاشوه قرباندی سکینه
قان آغلاما غیرتلی عموم واردی دلاور
صدقیله دخیل گیت اونا سالم گلر اكبر
..
..
..
..
سن اللری قوینوندا دایان خیمه دالیندا
گورسون منی غیرتلی عموم غملی حالیندا
من خورداجا قیزلاری دوزوم صاق و صولیندا
گلدی دییه دردین گئجه دربار حسینه
لیلانی دخیل گتدی علمدار حسینه
..
..
..
..
دریای ادب كان شجاعتدن اوتاندی
تا خیمه دالیندا الى قوینوندا دایاندی
قلبی یارالاندى گوزی یولدا نگراندی
قویدی قدمین خیمۀ سرداره سکینه
گوز یاشلی سلام ائتدی علمداره سکینه
..
..
..
..
عرض ایلدی سرلشگر اسلامه اماندور
اکبر گئجه نون وقتی گئدوب جنگه جواندور
لیلا آناما آتش هجرانی یاماندور
جنگون گییمون گییدی علمداری حسینون
میدانه گئده یار و هواداری حسینون
..
..
..
..
قارداشلارینی باشینه جمع ائتدی او ساعت
مركوبه سوار اولدی او دریای شجاعت
آت سالدی قوی پنجه جوان شیر امامت
گورسندی بو اون دورت گئجه لیک ماه منور
تل اوسته نظر سالدی او ضرغام غضنفر
..
..
..
..
شهلا گوزونه اولدی عیان مرد سیاهی
بیر نعره چکوب شیر ژیان دلدن الهی
آغلاتدی همان نعره سر تلّیده شاهی
شه دوردی ایاقه دئدی جان شیریم ابوالفضل
سقّای حرم جنگیده شمشیریم ابوالفضل
..
..
..
..
اکبر غمی دولموشدی دل شاه حجازه
قارداشلاری یانینده وزیر آلدی اجازه
اعدادن آلوب شطّی علی اکبری تازه
اندی ائله کی تلّیدن عباس هنرور
مانند على فتح ائلیوب قلعه ی خیبر
..
..
..
..
مردانه خیامه گتورور سو علی اکبر
آهسته دییر اوز اوزونه جان علی اصغر
سولدی نجه یاندی آلیشوب خرداجا لبلر
گوردی یولی بیر عده سواره کسوب الله
سسلندی سیاهی گئجه نون وقتی اول آگاه
..
..
..
..
گر کرب و بلا لشگریلن دولسا سراسر
شمشیره چکر صفلری تنها علی اکبر
تل اوسته تماشایه گلر شیر دلاور
قوللارین آچوب گلدی دله جان علی اکبر
جانیم اولا بو غیرته قربان علی اکبر
..
..
..
..
#شب_عاشورا #ثابت_اردبیلی #ترکی #زبدةالاشعار #اکبریه_ثابت_اردبیلی

متن پیشنهادی:  بارالها دلخوشام بوینومدا کی زنجیریله #کاظمیه_عاصی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی