زبدةالاشعار

گورمز فلک بو منظرده ن بیرده مطلقا #فاطمیه #بیدق_داری

شهادت حضرت زهرا سلام الله علیها
.
✍️ زبدة الاشعار ✍️
.
🆔: @nohe_torki
.
حاج داود بیدق داری ( داور )
.
گورمز فلک بو منظرده ن بیرده مطلقا
گوردی علی وفا گهرین سندیروب جفا
.
سسلندی ای وفالی هما سیندی شهپرون
بیلدیرمه دون ولی منه ای یار با وفا
.
سن یاریدن امانتیدون حیدره گولوم
اما سنی خزانه وئروب صرصر بلا
.
سندیردیلاخزانه ی عصمت جواهرین
پیغمبرین رسالتینه وئردیلر بها
.
آی عمریمون صفاسی اویان بیرده گور نجه
سندنصورا غریبه گونه قالدی مرتضی
.
سنسیزنه خئیر واردی بودنیاده من قالام
سنسن حیاته معنی وئرن چشمه ی بقا
.
گویلرده وارجلالتوین صحبتی سنون
افسوس اولا یئر اوسته قاپون یاندی برملا
.
قرآن دئین مقامووی یئر درک ائدنمدی
بیر شمّه دور مقامووه قرآندا هل اتا
.
هانسی گناهین اوسته الولاندی درگهون
جرمون ندور قاپوندا اولوب محسنون فدا
.
جرمون مدافع حرم اولماقدادور فقط
تنهابو عشقه خاطرائدوبلر ستم روا
.
ای خلقتین یاراشقی آی عصمتین گونی
گون باتدی آی بوغمده ائدوب نورین اختفا
.
گرچه مدینه اهلی سنه آغلامور ولیک
آغلار غمونده فوج ملک ،خیل انبیا
.
آسوده یات ئولونجه ئوزوم اغلارام سنه
چنگ نوادن عمربوئی اولمارام رها
.
بیرحالدیام گورنده سنی قالمور اختیار
گلمور نفس اورک سوزینی ایلیم ادا
.
اغلور حسن حسینیله باهم بو محنته
زینبدی نوحه خوانیمز ایوده ائدر نوا
.
هردم دئیر که ای اوره گی قان اولان ننه
دینجل بیرآز قوتاردی سنه درد وابتلا
.
واردور یئری بونوعی اگر اوخشیام سنی
ای شهرینون غریبی ولی گویده آشنا
.
گویا ملکده گویده سنی سسلیوب دئیور
گل گویلره سنوندی بوتون عرش کبریا
.
یئرده لیاقت اولمادی تا ساخلاسون سنی
گویلر باخور تحیریلن جسمووه آنا
.
سن گئت آنا بلا سنی چوخ اینچیدوب اگر
من قالمیشام بلایه دئیم صبریلن بلی
.
خوش حالووه قوتاردی سنون بوردا محنتون
من قالمیشام گورم که هله نیلیور قضا
.
سن گئت آنا یوروبدی بودنیاده غم سنی
من قالمیشام حسنله اولام ایوده همنوا
.
سن زائر اول رسول خدایه بهشتیده
من قالمیشام حسینه اولام یار کربلا
.
اهل وطن ائشتمیجه جک لر فغانووی
من قالمیشام فغان ائلیم یددی قارداشا
.
.
#فاطمیه_شهادت
#گورمز_فلک_بو_منظرده_ن_بیرده_مطلقا
#بیدق_داری
#ترکی
.
✍️ #زبدةالاشعار ✍️
.
🆔: @nohe_torki

این متن را هم بخوانید:  سحر زموج شفق کرد آفتاب طلوع #حیدریه #عابد_تبریزی

نظر دهید

دسته بندی درختی

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

Search
Generic filters
Filter by Custom Post Type

دسته بندی درختی