زبدةالاشعار

گوزلر دولوب بوط تک دللر دیور اباالفضل #عباسیه_منتظری

نمونه جوانمرد تاریخ
..
..
..
#سبک_احوالیمیز_یاماندی … 10 سبک … #سبک_قان_یاغدی_کربلایه ..
..
..
..
منتظری شریف آباد
..
..
..
گوزلر دولوب بوط تک ، دللر دیور اباالفضل
شوریله اهل ایمان ، یکسر دیوراباالفضل
آهنگِ غمنوازی ، سسلر دیور اباالفضل
یاندوم عمو سوسوزدان قیزلار دیور اباالفضل
میر علم آقام وای
قولّار قلم آقام وای
..
..
..
..
شهد شراب وصلی ، دیوانه درک ائدنمز
اوج مقام عشقی بیگانه درک ائدنمز
سوز شرار شمعی پروانه درک ائدنمز
حاضر شرار تیغه اللر دیور اباالفضل
میر علم آقام وای
قولّار قلم آقام وای
..
..
..
..
سسلندولر ملکلر سرداره ماشاءَ الله
رعنا قده نمونه قولاّره ماشاءَ الله
قاشلار قلم منوّر رخساره ماشاءَ الله
تنها نه تک یر اهلی گوگلر دیور اباالفضل
میر علم آقام وای
قولّار قلم آقام وای
..
..
..
..
کوفه سپاهی لرزان ، سهم و صلابتوندن
سرگشته پهلوانلار آثار قدرتوندن
فکر فرار حاکم اعدایه صولتوندن
گوز نخلِزاره تکموش لشگر دیور اباالفضل
میر علم آقام وای
قولّار قلم آقام وای
..
..
..
..
صحرای کربلاده آتش یاغور هوادن
طاقت آلوب سوسوز لوق اولادِ مصطفادن
شمشیرِلر قان آغلور دشمن ایدن جفادن
غنچه مثالی سولموش لبلر دیور اباالفضل
میر علم آقام وای
قولّار قلم آقام وای
..
..
..
..
حیدر بالاسی صفدر خوفه سالوب سپاهی
شمشیر الینده گوزلور اطرافِ خیمگاهی
تنها نمود لشگر آل اللّهون پناهی
ایش مشکله دوشنده رهبر دیور اباالفضل
میر علم آقام وای
قولّار قلم آقام وای
..
..
..
..
فیض آلماقا یولینی نهر فُرات گوزلور
دریا سوئی الیندن آلسون برات گوزلور
جام الده خیمه لرده تشنه بنات گوزلور
اصغر یانور سوسوزدان مادر دیور اباالفضل
میر علم آقام وای
قولّار قلم آقام وای
..
..
..
..
هر درد اولا دوادی ، باب الحوائج آدی
کیم ایستیه حسینی عباسدور مرادی
یاز منتظِر ئولونجه حفظ ایت بو اعتقادی
آغلور قلم الونده دفتر دیور اباالفضل
میر علم آقام وای
قولّار قلم آقام وای
..
..
..
..

متن پیشنهادی:  محنتی دخت رسول مدنی فاطمه نون #فاطمیه_منتظری

#عباسیه #منتظری #عباسیه_مدح #ترکی #زبدةالاشعار #عباسیه_شجاعت

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی