زبانحال حضرت لیلا(س)
در وداع حضرت علی اکبر (ع)
..
..
..
#سبک_یارالی_جان_یارالی … 4 سبک
#سبک_ای_منیم_آرخام_ایلیم (با اضافه کردن واگیر)
..
..
..
..
بهزاد قاسمی اردبیلی
..
..
..
..
گوزل اوغلوم بورئیوب نور تولّا گوزوی
گور نه زیبا یارادوب خالق زیبا گوزوی
..
..
..
..
حسن رخسارون اولوب معنى وجه الحسنات
هالۀ ماه قالوب هالۀ چشمانوه مات
گیزلنوب عمق نگاهونده سنون روح حیات
اودور ایلور خود دنیاده تماشا گوزوی
..
..
..
..
شبنم عشق آخوب دامن شب بولروه
باغلانوب رشتۀ جان رشته گیسولروه
آند اولا حالتِ محرابی ابرولروه
عوض ائتمز ایکی دنیائیله لیلا گوزوی
..
..
..
..
هیبتوندن داغیلار کوه پره کاه کیمین
گوزلرون عرش وجاهتده گزر ماه کیمین
یوخ گوزلیکده رقیبون گوزل الله کیمین
یوسفین گوزدن آتار گورسه زلیخا گوزوی
..
..
..
..
احسن احسن بئله حُسنه بئله وجه الحسنه
تا ابد نور احد یوزده شمایلدی سنه
طوریده ارنی دئمزدی گوزه گورسنمینه
گوره بیلسیدی اگر حضرت موسی گوزوی
..
..
..
..
سایۀ عزّتیوه غبطه یییَر سایۀ عشق
صورتون سورۀ رحمتدی قاشون آیۀ عشق
تار مژگانون اولوب لیلیه سرمایۀ عشق
ورشکست ائتمه منی، گوزله دل آرا گوزوی
..
..
..
..
یوخ سوزوم گل گوزلیم رشتۀ اقبالیمی قیر
ریشۀ عمرومه فرهاد کیمین تیشه وی ویر
عیبی یوخ روحیمی جانیمدن آیرسوندا آیر
سنی زهرا ولی لیلادن آیرما گوزوی
..
..
..
..
سالک مسلک عشقم دوزرم هر محنه
قویارام باشیمی بلبل کیمی دوش چمنه
چاتسا سودای محبتده اگر نوبه منه
ئوز گوزومدن ،کئچرم ساتمارام اما گوزوی
..
..
..
..
آتما گوزدن منی ای گوزلریمون نوری بالا
گل دولا بوینوما قوللاروی دردیم آزالا
حقی واردور آنوین اللری قوینوندا قالا
چون دوتوب شور شهادت ایکی شهلا گوزوی
..
..
..
..
بسدی دای ناز ائلمه اشکی روان گوزلریمه
قویما چوخ طعنه ویرا چشم زمان گوزلریمه
سنى وئرّم قسم اوغلوم نگران گوزلریمه
نقدر خیمه ده سن سعی ائله یومما گوزوی
..
..
..
..
قوی دویونجان گوزلیم گوز گوزه سنلن دایانیم
اتگوندن یاپیشوم عشق شرارینده یانیم
خانم عمّون کیمی منده باشوا بیر دولانیم
سن فقط باشوی چوخ اگمه گوروم تا گوزوی
..
..
..
..
گئدوسن گئت بیلورم ساخلاماق اولماز گئده نی
یتیشوب وقت وداع، عشق آیرور منله سنی
گل همین عشقه گوره ایله سرافراز منی
قوی ئوپوم منده رقیه کیمی زیبا گوزوی
..
..
..
..
#اکبریه #بهزاد_قاسمی #اکبریه_شهادت #ترکی #زبدةالاشعار
نظر دهید