زبدةالاشعار

یانّام غمونده آتش سوزانه یا حسین #حسینیه #علی_اکبری

#یاحسین
.
✍️ #زبدةالاشعار ✍️
.
🆔: @nohe_torki
.
علی اکبر علی اکبری اُشتبین
.
یانّام غمونده آتش سوزانه یا حسین
جانلار فدا سنون کیمی جانانه یا حسین
.
قربان اولوم او نهضتوه انقلابوه
الهام اولوبدی امّت ایرانه یا حسین
.
قربان اولوم دوداقلارون ذکر شُکرینه
قتلگه ایچره سندن آخان قانه یا حسین
.
قربان اولوم شهادت و ایثار و حلموه
حفظ ائتدوقون او عهدیله پیمانه یا حسین
.
آزاده لر آلوبدولا سندن پیام عشق
مظلوم لر سلاحی دونوب قانه یا حسین
.
قربان اولوم او پرچموین قاره رنگینه
عزت وئرو بدی عالم امکانه یا حسین
.
قربان اولوم او گوزلره که دولدی قانیلن
باخدی شُکوه ایزد منّانه یا حسین
.
قربان اولوم غمونده عزا ساخلیانلره
سن شمع سن اولاردیله پروانه یا حسین
.
پروانه یانسا شمعه گوره افتخار ایدر
عیب ایلمه بو ناله و افغانه یا حسین
.
قربان اولوم جوان بالاوین خطّ و خالینه
پیغمبرون شبیهی او دردانه یا حسین
.
قربان اولوم سپهبد عالی مقاموه
رسم وفانی تاپدی او فرزانه یا حسین
.
قولسوز دوشنده تپراقا زهراده دؤزنمدی
گلدی هرایینه او بیابانه یا حسین
.
تپراقلار اوسته یاتما اوغول گل قوجاقیمه
ائتدی سلام او سینه سی سوزانه یا حسین
.
سسلندی قارداشیم منی درک ایله الأمان
آخر نفسدی باخ بو پریشانه یا حسین
.
سرباز بی زبانوه عالم اولا فدا
باتدی الونده قونداقى آلقانه یا حسین
.
قربان حسن نشانه سی قاسم جوانوه
شربت بولوب شهادتی مستانه یا حسین
.
اهلاً من العسل دیدی شهد شهادتی
دین اوسته باتدی پیکرى آلقانه یا حسین
.
قربان اولوم غلاموه قربان اولوب سنه
چاتدی مقام و رتبۀ شایانه یا حسین
.
قربان اولاخ حبیبوه رنگین جمال اولوب
الوان ایدوب محاسمین آلقانه یا حسین
.
امّ البنین نشانه سی عونیله فضلوه
قربان اولوم او همت مردانه یا حسین
.
احسن اولا او حرّه که حرّ زمان اولوب
توبه ایدوب یتیشدی او عنوانه یا حسین
.
قربان غمونده سینه و زنجیر وورانلارا
یاس ساخلیوب قورالّا عزاخانه یا حسین
.
نوحه دیوب مصیبتوه آغلیانلارا
قاره چکه لّه هر یره هر یانه یا حسین
.
قربان اولوم او باشه که مطبخ ده صبح ایدوب
مطبخ مکان اولوب مه تابانه یا حسین
.
جانلار فدا حرملروین اشگ و آلینه
خیمندن عرشه اوج ایدن افغانه یا حسین
.
قربان او خاندانوه یکسر اسیر اولوب
پخش ائتدیله مراموی هر یانه یا حسین
.
ابن زیادی ائتدیله رُسوا دلیل لن
نفرین ایدوب جمعیت او شیطانه یا حسین
.
بیر نطق ایدوبدی شامیده بیمار کربلا
ائتدی یزیدی ابله و دیوانه یا حسین
.
آغلاتدی اهل ظلمتی نورانی سوزلری
نادم اولوب گلوردیله افغانه یا حسین
.
فرمایش ائتدی آغلیوز هر لحظه هر زمان
گور نیلدوز بو جمع پریشانه، یا حسین
.
زهرانی آغلادوب اوره گین داغلی قویدیلار
نفرین اولا بو فرقۀ عدوانه یا حسین
.
عرض ایلور «اکبری» سنه قربان توجه ائت
بو دلشکسته سینه سی سوزانه یا حسین
.
.
.
#حسینیه #علی_اکبری
#حسینیه_مدح
#یانام_غمونده_آتش_سوزانه_یاحسین
#ترکی
.
✍️ #زبدةالاشعار ✍️
.
🆔: @nohe_torki

این متن را هم بخوانید:  نیمه ی شعباندا قویدی مهدی دنیایه قدم #مهدیه #شاجری_زنجانی

نظر دهید

دسته بندی درختی

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

Search
Generic filters
Filter by Custom Post Type

دسته بندی درختی