شهادت حضرت امام حسین (ع)
..
..
..
..
مرحوم هادی تبریزی
..
..
..
..
یا علی رکن رکین دین ئولوب ایمان ئولوب
کربلاده روح پاک هیکل قرآن ئولوب
..
..
..
..
عالم اسماء حسنی و معلّم آدمه
دم ویرن هردمده یوزمین دم مسیح و مریمه
انبیانی غرق ایدوب دریای درد و ماتمه
صفحۀ تاریخیده ارزنده بیرانسان ئولوب
..
..
..
..
خرقه بخش و خرقۀ تقوای اندام نصوح
راح اسم اعظمه سر چشمه و کانون روح
نا خدای ذورق غلطان و سرگردان نوح
خلوت و خلوتسرای عشقیده حیران ئولوب
..
..
..
..
آتش نمرود ایچینده گلشن راز خلیل
کوره راه عشق وحدتده دلیل جبرئیل
منبع وسرچشمۀ آب زلال سلسبیل
سوکنارینده فرات اوسته سوسوزعطشان ئولوب
..
..
..
..
نخلۀ طور تجلّاده اولان پاکیزه نور
طوریده بذل ایلیین موسی کلیم اللهه شور
ایلیوبدی قتلگاهی سینۀ سینای طور
ایلیین انّی اناالله لفظینی عنوان ئولوب
..
..
..
..
چولقیوبدور قدسیانی اضطراب و ولوله
قوزانوبدور فرشیدن عرش خدایه هلهله
کام آلوب بیرقان توکن اوچ شعبه اوخدان حرمله
کربلا شاهی نشان ناوک پیکان ئولوب
..
..
..
..
دوشمیوب پروازیدن سیمرغ قاف قل کفی
باشلیوب شور حسینیله حجازی بیر نوا
دولدوروب دشت عراقی غم نوای نینوا
حنجر داوده لحن ونای خوش الحان ئولوب
..
..
..
..
گون گوزی گوندوز گوزونده گون گورندن گون چوکوب
بیر قارالتی قوزانوب گون چخمالار باغرین سوکوب
توپراقا الله قانین شمر ابن ذوالجوشن توکوب
مصدر صدر صدور عالم امکان ئولوب
..
..
..
..
سولدی باغ دین اسلامین سولونماز لاله سی
یاغدی گلشنده گل اوزلی گللره قان ژاله سی
روح زهرانین اوجالدی وای اوغول وای ناله سی
ایلیین بیرعمر زهرا گوزلرین گریان ئولوب
..
..
..
..
صف چکوب ناظردی کلّ انس و جنّ و ماملک
سیردن گویا دوشوبدی چرخ سیّارات فلک
بیر نفر یالقوز ولی هر یان قشون یوخ بیر کمک
بیر کمکسیز بیر اوغولسوز سرور دوران ئولوب
..
..
..
..
قالدی بی فریاد رس کلّ جهانه دادرس
تشنه لیقدان دیزلری سست اولدی گیزلندی نفس
ماسوانی آغلادوب ظلم سنان ابن انس
ناجی انسان اسیر ظلمت نیسان ئولوب
..
..
..
..
خلوت عشّاقیده عشق آزمای پاکباز
ایلیوب برپا نیاز اوسته ایکی رکعت نماز
قرمزی سیل تک آخان قاندان آلوبدی دستماز
اهل عشقین عشقینه معیار اولوب میزان ئولوب
..
..
..
..
بیر چوخور یرده عزیز سینۀ زهرا یاتوب
باش قویوب توپراقلارا باش فکرینی باشدان آتوب
سینه سینده باش باشا اوخلاراوخ اوستوندن چاتوب
اوخلار آلتیندا یارالی تشنه لب سلطان ئولوب
..
..
..
..
لرزه دوشموش قلب دین و رکن واصل مذهبه
ذبح اولوب قربان مناده شاه عالی مرتبه
گوئیا یر گوی تماما سسلوری وای زینبه
روح جسم و جان پاک زینبه جانان ئولوب
..
..
..
..
یاره لر سانی چخوب ساندان کچوب اندازه دن
یاره اوستوندن گینه یاره ویروبلار تازه دن
پیکربی جلد قرآن تک چیخوب شیرازه دن
جوهر فرمایشات ایزد یزدان ئولوب
..
..
..
..
نقشۀ منقوش تار خلقته تصویر پود
حدّ نامحدود نامحموده محدود حدود
دالّ موجودیت عین الوجوده بیر وجود
سینه داغلی باغری قان اوزقانینه غلطان ئولوب
..
..
..
..
علّت تمکین کلّ ممکنات و کاینات
خالق و خلاق و خلقه مظهر ذات و صفات
خضره آب چشمۀ حیوانیده روح حیات
صاحب صاحب کمال عمر جاویدان ئولوب
..
..
..
..
تیترمه (هادی) بیله غمدن مثال برگ بید
ایلمز کرب وبلا شاهی غلامین نا امید
ایلیوب تضمین بو امیدی خداوند مجید
اونداکی سلطان عالی جاه مظلومان ئولوب
..
..
..
..
#حسینیه #هادی_تبریزی #حسینیه_شهادت #ترکی #زبدةالاشعار
نظر دهید