شهادت امام جعفر صادق علیه السلام
.
✍️ زبدة الاشعار ✍️
?: @nohe_torki
.
علیرضا حضرتی (ناعمی)
.
یا فاطمه محنت گونودی شیعه لر آغلار
صادق بالوا اهل ولا دیده تر آغلار
.
یئرگوی باتوب اندوهه سیه پوش اولوب عالم
قاره گئیینوب نوحه ائدور عالم و آدم
عمّامه سینی باشدان آچوب حضرت خاتم
بو محنت و بو غصّه ده خیرالبشر آغلار
.
گؤزلر توکوری گؤزیاشی دوتقوندی ئورکلر
باشه ویروری عرشیده حسرتله ملکلر
ناله اوجالوب گویلره لرزاندی فلکلر
فردوسیده حیدر بو گون افغان ائدر آغلار
.
منصور لعین کینه سینی ایلدی معلوم
زهریله او زهرا بالاسین ایلدی مسموم
اجدادی کیمین اولدی او شه دهریده مظلوم
پیغمبرین اولادی اولوب خونجگر آغلار
.
عاشقلرینون گؤزیاشی قان اولدی بو غمده
اهل حرمون اشکی روان اولدی بو غمده
زهرا خانیمون قدّی کمان اولدی بو غمده
اشکین ائله بیل ابر بهاری الر آغلار
.
ترک ائتدی فنا عالمی چون بو گون او سرور
سؤز یوخدی باتوب عمده غمه عترت حیدر
گل جسمینی غسل ائتدی ولی موسی جعفر
دفن ائتدی توکوب صورته اشک بصر آغلار
.
قربان اولوم اول شاهه کی غسلی اولوب القان
باشسیز بدنی گون قاباقیندا قالوب عریان
آغلاردی اونا اوچ گئجه گوندوز هامی امکان
الآندا او مظلومه هامی بحر و بر آغلار
.
#سبک_ای_باد_صبا (7 سبک)
.
#صادقیه_شهادت
#یا_فاطمه_محنت_گونودی_شیعه_لر_آغلار
#حضرتی_ناعمی
#ترکی
.
✍️ #زبدةالاشعار ✍️
?: @nohe_torki
نظر دهید