آغلاما ای نوکل گلزار اوغول #اصغریه_کهنمویی

زبانحال حضرت رباب در عطش حضرت علی اصغر (ع)
..
..
..
مرحوم کهنمویی
..
..
..
آغلاما ای نوکل گلزار اوغول
آغلاما گلزاری دوتدی خار اوغول
..
وای اوغول ایوای اوغول
یوخدی سو یاندین اوغول
..
..
..
..
گلستانی دولدوروب زاغ و زغن
پایمال اولدی گلستان و چمن
آغلوری احوالوی هر بیر گوزن
ایلوری اوز ناله سین تکرار اوغول
..
وای اوغول ایوای اوغول
یوخدی سو یاندین اوغول
..
..
..
..
آغلاما اوچ گوندی یوخ سوخیمه ده
تشنه دور اطفال مهرو خیمه ده
یوخدی سوهیچ یرده نه بوخیمه ده
قالموشام بو امرده ناچار اوغول
..
وای اوغول ایوای اوغول
یوخدی سو یاندین اوغول
..
..
..
..
اولموشام من بوایشین آواره سی
هرنه که فکرایلورم یوخ چاره سی
وای او موقعدن گورم اوخ یاره سی
ایلیوبدور نحریوی خونبار اوغول
..
وای اوغول ایوای اوغول
یوخدی سو یاندین اوغول
..
..
..
..
قالموشام لب تشنه سُود سینمده یوخ
هر مصیبتدن بو غم آرتوخدی چوخ
عاقبت ایلر سنی سیراب اوخ
خواب نازوندن ایدر بیدار اوغول
..
وای اوغول ایوای اوغول
یوخدی سو یاندین اوغول
..
..
..
..
..
ایله دی سقا عمون چوخ اجتهاد
مشگی دولدوردی اولوب بو امره شاد
اوخلادی مشگین گروه بدنهاد
تشنه لب جان بذل ایدوب سردار اوغول
..
وای اوغول ایوای اوغول
یوخدی سو یاندین اوغول
..
..
..
..
سن سوسوزسان آغلوسان یوخدور سوزوم
حالوه باخدوقجا من آغلارگوزوم
نیلیوم لب تشنه یم منده اوزوم
اود دوتوب دور قلب آتشبار اوغول
..
وای اوغول ایوای اوغول
یوخدی سو یاندین اوغول
..
..
..
..
بیر نفر بیلمز سوسوزلوخ گورمه سه
یوخدی بو غمده ملامت بیر کَسُه
خیمه ده ویردی اوشاقلار سس سسه
ایلیوبلر تشنه لوق اظهار اوغول
..
وای اوغول ایوای اوغول
یوخدی سو یاندین اوغول
..
..
..
..
آغلاما ای غنچۀ باغ رسول
آغلاما صبر ایله چوخ اولما ملول
آغلوری بوحاله زهرای بتول
ناله ایلور عترت اطهار اوغول
..
وای اوغول ایوای اوغول
یوخدی سو یاندین اوغول
..
..
..
..
آغلاما یالقوز کمک سیزدور آتان
آغلاما ای غنچه لب قانه باتان
منتظر گوزلور شکارین اوخ آتان
ایتگلن جان دینوه ایثار اوغول
..
وای اوغول ایوای اوغول
یوخدی سو یاندین اوغول
..
..
..
..
سنده قربانسان جهاندا دینوه
حالی سن هر بیر زماندا دینوه
سن سوسوز قربان اولاندا دینوه
عمه لر آغلار آنان آغلار اوغول
..
وای اوغول ایوای اوغول
یوخدی سو یاندین اوغول
..
..
..
..
کهنموئی یازدی بواشعارینی
ایله سون اوز دردینون اظهارینی
ایلیوب پوزقون مرض افکارینی
ایلوری اوز نقصینه اظهار اوغول
..
وای اوغول ایوای اوغول
یوخدی سو یاندین اوغول
..
..
..
..
#اصغریه #کهنمویی #ریاضی_تبریزی #ترکی #زبدةالاشعار #اصغریه_شهادت