درفراق استاد دکتر داود بیدقداری
.
.
تیموری اردبیلی
.
.
آغلا ای دل گینه ده بیرگوزل انسان گئتدی
ایلدی بسکه غمینده بیزی گریان گئتدی
.
معرفت درسینی آلمیشدی یقین مولادن
حیف اولا دارفنادن بئله انسان گئتدی
.
ذهنلرده قالاجاق حتمی اونون خاطره سی
دارعقبایه بو دنیادن اورک قان گئتدی
.
دویماموشدی آقامون بزم غم و یاسیندن
وئرمدی فرصت اجل یارینه مهمان گئتدی
.
خادم بارگه حضرت شاهنشه عشق
اولماقا بارگه شاهینه دربان گئتدی
.
وار امیدیم که شفاعت ایلیه مولاسی
گرچه دنیادن امیدایله شتابان گئتدی
.
اختر بختی افول ائتدی سپهر حقدن
محضر یار لب عطشانه ثناخوان گئتدی
.
رحمت حق اونا شامل اولار ان شا الله
چونکه الدن بئله بیر صاحب احسان گتئدی
.
یوخ سوزوم قلبیمیزی آیریلقی یاندیردی
ائتدی اهل دلی بو غصّه ده نالان گئتدی
.
#بیدقداری #علی_تیموری #ترکی #زبدةالاشعار #پندیات
نظر دهید