آغلا گوزوم نچون که یتوب موسم عزا #حسینیه_کاتب_اردبیلی

مرثیه عاشورایی
حالات حضرت امام حسین (ع)
.
.
مرحوم کاتب اردبیلی
استقبال از شعر معروف قاآنی شیرازی
.
.
آغلا گوزوم نچون که یتوب موسم عزا
هانسی عزا، عزای حسین شاه نینوا
.
کیمدور حسین، حسیندی جگر گوشه نبی
کیمدور اونون آتاسی، علی شاه لافتی
.
کیمدور آناسی فاطمه دور، کیمدی فاطمه
بنت نبی دی، هانسی نبی، ختم الانبیا
.
نولدی مگر حسین، بلی اولدی شهید ظلم
جای شهادتی هارادور، دشت کربلا
.
اولدی گئجه شهید نه، گوندوز زمان ظهر
سو وئردیلر اونا، بلی، کیم، خنجر جفا
.
آیا یزید اوزی او شهی ئولدوروبدی، یوخ
بس کیم ائدوب بو ظلمی، عمر سعد بی حیا
.
سعداوغلی کسدی باشینی، یوخ، کیم کسوب مگر
شمر لعین ائدوب اونی مذبوح من قفا
.
خنجر کسوب بوغازینی، شرم ائتمدی نه چون
شرم ایلدی ولی بئله تقدیر دور قضا
.
جسمینده چوخ یاراسی واریدی اونون، بلی
بعضی یازار او سینیه دورت مین دگوب یارا
.
گلدی شماره یاره لری، بیلمرم اونی
چوخدور روایت، هیچ یاراسی گلمدی سایا
.
بو قدری محنتی ندن اوترى قبول ائدوب
بوندان اؤتور جزاده اولا شافع جزا
.
شرط شفاعتین بیلوسن، عرض ائدوب بلی
شرطی بودور که شیعه لری آغلاسون اونا
.
قارداشلاریندان هئچ ئولن اولدی، بلی ئولوب
عونیله فضل و جعفر و عبّاس باوفا
.
اوغلانلاریندان اولدى ئولن، اوچ نفر، بلی
جعفر، علی اصغر و هم شبه مصطفی
.
آیا بیر اوغلی قالمادی، قالمیشدی بیر نفر
زین العبادیدور آدی، بیمار کربلا
.
بیماریدی بلی، نه ییردی غذاایچون
خون جگر غذاییدی، اشک بصر دوا
.
بس خیمه گاهی نولدی اونون، غارت ائتدیلر
یاندیردیلار داخی، بلی، کیم، قوم اشقیا
.
اهلی عیالی نولدی، اسیر اولدیلار تمام
شامه آپاردیلار، بلی، کیم، لشگر دغا
.
بیلسون دی آدلارین، بلی بعضی سین عرض ائدوم
زینب، رقیه، فاطمه، لیلای بینوا
.
باغلاندی زینبون قولی نی نی دینمرم
عشق حسین آپاردی اونی شام شوم آرا
.
لیلا قولون نئجه، اونیدا بیلدی گیم بودور
زلف علی اکبری زنجیریدی اونا
.
نولدی حسین باشی، بلی شامه آپاردیلار
پنهان آپاردیلار نه جدا أوسته برملا
.
« کاتب» یازار او شاه شهیدون مصیبتین
شاید حسینه جرمون اونون عفو ائده خدا
.
#عاشورا
#حسینیه_شهادت
#کاتب_اردبیلی
#ترکی
#زبدةالاشعار