رجز #عاشورا_گونی
.
#زبدةالاشعار
.
: @nohe_torki
.
مرحوم سعدی زمان
.
آغلیان گوگلردی یا زهرا بوگون
زینبه محشردی یا زهرا بوگون
.
.
اکبره باشدان ورولدی بیر یارا
باشی منشق اولدی چون شیر خدا
منقذین ظلمیله شبه مصطفی
حیدره مظهردی یازهرا بوگون
.
.
آلتی آیلیقدا ئولوب چوخ سود امر
اصغرین مثلین گورر دنیا مگر ؟
سود امر هاردا سولی پیکان امر ؟
بیر امن اصغردی یازهرا بوگون
.
.
کربلا اولدی ربابین محشری
زهرلی اوخ سوددن آچدی اصغری
حشره دین قان آغلادان پیغمبری
بو مصیبت لردی یازهرا بوگون
.
.
قاسم شهزاده پور مجتبی
اولدی مقتول سپاه اشقیا
مجتبایه مایۀ داد و نوا
پور مه منظردی یا زهرا بوگون
.
.
حضرت عباسین اوخلی بیرقی
پرچم اسلامین اولدی رونقی
آغلادان دائم ولیّ مطلقی
نوفل کافردی یازهرا بو گون
.
.
کسدی شیرین پنجه سین ارباب آز
قول بوداق سیز دوشدی سرو باغ ناز
ایلین اسلام دینین سرفراز
بوکسیک اللردی یازهرا بو گون
.
.
قطب پرگار ثریّا و سمک
یاور و انصاری ئولدی قالدى تک
یوزدن اسگیک خونجگر قاره لچک
تک به تک سسلردی یازهرا بوگون
.
.
گوردولر بیدادرس اول سروری
اولدولار شاهه رعیت لر جری
ئولدورن شاهنشه بی لشگری
قان توکن لشگردی یازهرا بو گون
.
.
قان ایدوبلر اوغلوون گوز یاشینی
ئولدوروبلر اوغلونی قارداشینی
شمر دون تشنه کسنده باشینی
نه فلک تیترردی یازهرا بوگون
.
.
ایسّی گون سوز عطش اودلی هوا
داغدیده سینه ده دورت مین یارا
العطش سسلور غریب کربلا
سو وئرن خنجردی یا زهرا بوگون
.
.
بیر گوزل جسمی که گتدی جبرئیل
شست و شو ایتماقه آب سلسبیل
ایمدی بیر حاله سالوب قوم رذیل
خاک اونا بستردی یازهرا بو گون
.
.
باش یارالی تیغ خون افشانیله
آنّی یاره ناوک پیکانیله
آغزی دولموشدی لبالب قانیله
العطش سویلردی یا زهرا بوگون
.
.
تشنه لیق شام ایلمشدى گوندوزین
قان آخوب دوتموشدی یکسر یوز گوزین
گل کیمی سینونده بسلنمیش یوزین
توپراقا سورتردی یا زهرا بو گون
.
.
دور امکانه چکوب غم دایره
ظاهراً عالم دگوبدور بیر بیره
قان یاغور معناده گوگلردن یره
عالم دیگردی یا زهرا بوگون
.
.
یوز قویوبلار خیمه گاه عصمته
قان تو کن لر ال آچوبلار غارته
خورداجا قیزلار دوشوبلر وحشته
زینبون مضطردی یازهرا بو گون
.
.
شعرینه لطف ایله بیر عالی صله
دوتماسین اوغلون «حسینی» فاصله
وئرمه سن عالی صله ایلر گله
اوغلووا نوکردی یازهرا بو گون
.
.
#حسینیه_شهادت
#آغلیان_گوگلردی_یا_زهرا_بو_گون
#ترکی
#بهار_بی_خزان
.
#زبدةالاشعار
.
: @nohe_torki
نظر دهید