آغلیون شیعه حسین باشسیز قالان گوندور بو گون #عاشورا_شوری_تبریزی

#عاشورا_گونی
..
..
..
..
مرحوم شوری تبریزی
..
..
..
..
آغلیون شیعه حسین باشسیز قالان گوندور بو گون
ظلمیله گل تک وجودی دوغرانان گوندور بو گون
..
..
..
..
بو گونون صبحی اولاندا اوز یریندن آشکار
سعدین اوغلی بیر نفر حکم ایلیوبدور چکدی جار
بو حسینون ایلیون جاه و جلالین تار مار
ملک جانی ظلمیلن تاراج اولان گوندور بو گون
..
..
..
..
اهل حقین دوره سین چون اهل باطل آلدیلار
اهل اسلامی منافقلر حصاره سالدیلار
بولمورم نه حاله عورتلر اوشاقلار قالدیلار
اهل بیتین ناله سی عرشه چخان گوندور بو گون
..
..
..
..
اوّل وقته ایله بیر جنگ مغلوبه اولوب
خیمه لر یکسر فغان و شور شینیله دولوب
وحشته دوشدی حرملر رنگلر گل تک سولوب
فاطمه اولادینون رنگی سولان گوندور بو گون
..
..
..
..
بو گونون مثلی حسینون قلب پاکی اودلانوب
بولمورم نه ظلم اولوبدور حالینه دشمن یانوب
اوندا که تشنه بالاسی قطعه قطعه دوغرانوب
ریزه ریزه جسم اکبر دوغرانان گوندور بو گون
..
..
..
..
اصغرین قونداقنی گتدی ال اوسته ساخلادی
حرمله رحم ایتمیوب نازک بوغازین اوخلادی
گوزلرین آچدی باخوب گلدی دوباره یوخلادی
سود امر سودسیز بالاسی اوخلانان گوندور بو گون
..
..
..
..
سو یولون اوچ گون که اول آل امیّه باغلادی
اهل بیت مصطفانون سینه سینی داغلادی
خوردا قیزلار هم بویوکلر قالدی عطشان آغلادی
الده سو جامی اوشاقلار آغلیان گوندور بوگون
..
..
..
..
قاسمه بیر طوى بو گون دوتدی او شاه کربلا
آچدی حوریلر باشین جنّت اولوب ماتم سرا
عمّه لر یکسر آناسی یاخدیلار قاندان حنا
نوعروس باشه حنا قاندان یاخان گوندور بو گون
..
..
..
..
بو گونون مثلنده عبّاسین اولوب قولار قلم
قول گیدوب مشگ اوخلانوب بولمم نولوب یاتدی علم
تاپدی جرأت دوره سین آلدی او دم قوم ظلم
انتقام عباسیدن دشمن آلان گوندور بوگون
..
..
..
..
بیر نفر ظالم یتوب ووردی باشندان بیر عمود
طایر روحی او دم ایلوبدی افلاکه صعود
بولمورم نه نوعی یر اوسته گلوب ایلوب سجود
کاسۀ چشمینه لحظه قان دولان گوندور بوگون
..
..
..
..
بیر به بیر الدن گیدوبدور یار و انصار حسین
قامتی خم اولدی چون ئولدی علمداری حسین
بیر نفر قالموب کومک اولسون هواداری حسین
بی مروّتلر آرا یالقوز قالان گوندور بوگون
..
..
..
..
کربلاده بو حسینه اهل کین طور قوردولار
عالم معناده زهرا قلبینی یاندوردولار
اوندا کی قلب امامه زهریلی اوخ ویردیلار
چشمه تک اول پاک اورکدن قان آخان گوندوربو گون
..
..
..
..
منجنیق غمده آخر اهل کین ایله سخوب
بولمورم نه نوعیلن آتدان یره دشمن یخوب
سینه سی اوسته اوتانموب بی حیا قاتل چخوب
شمر الینده قانینه غلطان اولان گوندور بو گون
..
..
..
..
سعدین اوغلی امر ایدوب ای لشکر کین سیز دورون
هر نه وار غارت ایدون سیز خیمه گاهه اود وورون
سهل دور عورت اوشاقلار هر کیم اولسا یاندورون
اهل بیت دربدر اوددا قالان گوندور بوگون
..
..
..
..
«شوریا» یاخشی یازوب نوحه اورکدن آغلادون
هم اؤزون هم آغلیانلار سینه سینی داغلادون
صدقیلن محکم بلون جدّون حسینه باغلادون
گیت مزارینده دینه جدّا همان گوندور بو گون
..
..
..
#عاشورا #شوری_تبریزی #حسینیه_شوری_تبریزی #حسینیه #حسینیه_شهادت #ترکی #زبدةالاشعار