آه او وقتدن باخدی تلیدن #حسینیه_نادری

قتلگاه
.
.
#سبک_نهر_علقمه_قویدی_چون_قدم
مشابه
پخش‌کننده صوت

.
.
مرحوم حاج قدرت اله نادری میانجی
.
.
آه او وقتدن ، باخدی تلّیدن
زینب ستمکش
دخت شاه مردان
.
گوردی اهل شام ، ائتدی ازدحام
یخدیلار حسینی
قوملار اوسته عدوان
.
کامه یتمسون هئچ
شمر روسیاهی
سالدی نینوایه
شاه بی پناهی
.
.
.
.
.
فاطمه قزی ، عصمت اولدوزی
یوز قویوب او ساعت
سمت قتلگاهه
.
باش آچوب او دم ، بانوی حرم
تا ئوزون یتوردی
شاهِ بی پناهه
.
گوردی شمر آلوب ، خنجرین اله
یوز دوتوبدی زینب
شمر روسیاهه
.
سویله دی دایان ، شرم قیل اوتان
آلِ مصطفانی
ایلمه پریشان
.
.
.
.
.
چخمسان عجیب ، منبر اوستونه
مخزن علومه
سینۀ امامه
.
قویما خنجرون ، حنجر اوستونه
آغلاشور ملک لر
سس دوشر خیامه
.
چخما چکمه لی ، پیکر اوستونه
عزّت و جلالیم
یتمه سون تمامه
.
عرش و فرشه گل ، سالما زلزله
عصریوون امامین
ائتمه قانه غلطان
.
.
.
.
.
آتدی ال دوتوب ، شمر خنجرین
زینب جگر خون
قوپدی شور و غوغا
.
نالیه گلوب ، عرش و ماسوا
شمره چون مقابل
دوردی بنت زهرا
.
قاتله باجی ، یالواران زمان
لرزیه دوشوبدی
کوه و دشت و صحرا
.
یرلر آغلادی ، گویلر آغلادی
دشت کربلانی
دوتدی شور و افغان
.
.
.
.
.
مهربان باجی ، شمره سویله دی
قارداشیم یرینه
گل من سن ئولدور
.
قان دوتوب گوزون ، مظهر جفا
قان اولان بو قلبی
آز قانیلا دولدور
.
یخما دین ائوین ، ایله بیر حیا
گلشنِ وفانی
آز ستمله سولدور
.
ساتما دینیوی ، بیر خدایه باخ
مُلک ری دن اؤتری
دوتماسین سنی قان
.
.
.
.
.
چکدی خنجرین ، شمر غیظیلن
زینب اللرینی
پاره ائتدی خنجر
.
قانینی حسین ، قانینه قاتوب
نور چشم زهرا
نور عین حیدر
.
بو سسه گوزون ، آچدی شاهِ دین
گوردی مقتلینده
حشر اولوبدی محشر
.
امر ائدوب باجی ، گئت خیامه سن
وئر منی بو شمره
قتلگهده مهمان
.
.
.
.
.
طاعت ایلیوب ، شاهین امرینه
درک ائدوب حسینون
اوندادور صلاحی
.
یوز دوتوب او دم ، سمتِ خیمیه
قلب زاری گریان
شام اولوب صباحی
.
داد او وقته غم ، شدّت ایلیوب
بین راهده چون
گوردی ذوالجناحی
.
قانه غرق اولوب ، یال و کاکلی
باش سالوب اشاقه
آغلیوردی حیوان
.
.
.
.
.
گتدی خیمیه ، قارداشین آتین
اهلِ بیتی زینب
سالدی شور و شینه
.
واحسین سسی ، دوتدی اطلسی
گوگده کی ملک لر
آغلادی حسینه
.
عین بو زمان ، قتلگاهده
آغلادی پیمبر
شاه عالمینه
.
یاز که «نادری »، شمر خنجری
تیتردوب جهانی
قوپدی یرده طوفان
.
.
.
#قتلگاه #حسینیه
#حسینیه_شهادت
#آه_او_وقتدن_باخدی_تلیدن
#نادری
#ترکی
#زبدةالاشعار