هجرت حضرت سیدالشهدا(ع) از مدینه
.
#زبدةالاشعار
.
: @nohe_torki
.
مرحوم دخیل
.
آچیلدی دریچه باب اعظم و انوار
گلوب ظهوره رموزات عالم اسرار
.
یتیشدی پردۂ غیب الغیوبدن فرمان
که ای همیشه اولان ساکنین نه ایوان
.
ایشیتمسوز که دولوب واحسینله کونین
نزول ایدون یره که آتلانور امام حسین
.
بو طمطراقیله هر چند حضرت جبار
اوشاهه نسبت ایدوب لطف و مرحمت اظهار
.
ولیک باطن باطنده اوزگه کار ایتدی
على الیله رکابین دوتوب سوار ایتدی
.
دیمه بو دبدبه بیجادی عرشدن تا فرش
حسین مشایعتینه گلوب ملایک عرش
.
اوزوندن اوزگه نی بو امره گورمیوب لایق
اولوب او شاهی یولا سالماقا اوزی شایق
.
گهی عراقه گهی خطۀ حجازه گلور
گهی مشایعته گاه پیشوازہ گلور
.
سپهر طاقنی فکر ایتمه قبۀ خضرا
او پادشاهه ایر جامی دور ولی مینا
.
بو یول نه کعبه یولی دور نه خط کاه کشان
که عکس جاذبۀ کربلادی گوگده عیان
.
دیمه بو طارم و چارم بلند ایران دور
که سمت راستیده بیر آفتاب گرداندور
.
نجوم قیلما تصور که مرکب دوران
توکوبدی نعل ز بس کج کج ایلیوب جولان
.
دگل بروج که مهر مه منازلدور
حریم عصمت ایچون باغلانوب محاملدور
.
اساس خلقت نُه آسمان منیافام
تدارک سفر شاه کربلادی تمام
.
قطاریلن دوه دور نُه سپهر کوه کوهان
تمام بارکش موکب امام زمان
.
دگل شفق که اولوب رنگ دامن گردون
دوتوبلا ناقه جهازینه دورۂ گلگون
.
طلوع صبحده سلطان بارگاه جلال
مدینه دن ایلیوب کربلایه تند رحال
.
هلالدن اله چوگان که گتوردی میکائیل
دوگلدی قبله چرخ برینده طبل رحیل
.
قیامت اولدی سرافیل چالدی صور نشور
سوار اولاندا سلاطین چالالّا چون شیپور
.
مجاورین کلیسا به امر قبلاطوس
گلوب فغانه آچوب باشینی چالار ناقوس
.
مترجمان اناجیل یعنی قسّیسین
تمام زمرۀ راهبان ایدردیلر تحسین
.
حواریونیله عیسی گلوب بصد تعجیل
دوشوب رکابینه یکسر او خوردیلار انجیل
.
ایدردی موسی عمران تلاوت توراة
اوخوردی مصحفیدن حضرت خلیل آیات
.
ایدوب زبورینی اوراق حضرت داود
حسین اوزیندن اوخوردی کلام حیّ ودود
.
فصیح بلبل دستانسرای گلشن نور
هوای نغمۀ داودیله اوخوردی زبور
.
ولیک جدّی جناب رسول گریه کنان
دوشوب قباقجا ایدردی تلاوت قرآن
.
گوروب بو دبدبه نی چون جناب مرتضوی
اودا ایدردی تلاوت صحیفۀ علوی
.
.
.
.
.
#خروج_مدینه_دخیل
#آچیلدی_دریچه_باب_اعظم_و_انوار
#ترکی
.
#زبدةالاشعار
.
: @nohe_torki
نظر دهید