ئوپم مزاروی کرب و بلایه گلدیم حسین #اربعین_معزی_اردبیلی

اربعین
.
#زبدةالاشعار
.
: @nohe_tork
.
مرحوم معزی اردبیلی
.
ئوپم مزاروی کرب و بلایه گلدیم حسین
عزا دوتام سنه دشت نوایه گلدیم حسین
.
بو گون باجون اولا قربانون اربعینوندور
خانم حرملریویلن عزایه گلدیم حسین
.
گلنده من قاباقا چیخمادون بو صحراده
دئدیم یارالی دی گلمز صدایه گلدیم حسین
.
مریض عشقووم ای عاشق حق داور
دواسین آلماقا دارالشّفایه گلدیم حسین
.
بیلوردوم اوزلرینی آز قالار کی ئولدورلر
تسلّی وئرمگه آل عبایه گلدیم حسین
.
دیردیم اوز اوزومه قبروی هاچان گوررم
واریم سپاس فراوان خدایه گلدیم حسین
.
اویان اویان سو گتوردوم سنه سوسوز ئولنیم
مقابلینده سوزوم وار عطایه گلدیم حسین
.
مزاریدن منه سس وئر داریخمشام والله
شهادته یتیشنده هرایه گلدیم حسین
.
سنون سسوندی دوا قلبیده اولان یاراما
دوا تاپولمادی سندن دوایه گلدیم حسین
.
دیدیم کی قرخ گون اولار قلبیمون باشی دوتولوب
بوگون اوزاق یولی مهد صفایه گلدیم حسین
.
قسم حبیبه ی کبری یارالی زهرایه
چیخوب شراره ی آهیم سمایه گلدیم حسین
.
وروبلا قیزلاروا تازیانه یوللاردا
شکایت ائتمگه صاحب لوایه گلدیم حسین
.
ویراندا لبلروه خیزران یاراسی یزید
دیدیم من حق سوزی اهل جفایه گلدیم حسین
.
قسم اوره ک یاروا من قالانمورام سنسیز
نئجه کی اللری باشدا منایه گلدیم حسین
.
هامی گلوب هامی قبرون ئوپر هامی آغلار
غم ائوز وئروبدی من مبتلایه گلدیم حسین
.
سوروشما گلمیشم اللر اورکده شرمنده
ویرم گزارش شاه ولایه گلدیم حسین
.
ئولوبدی بیر قیزون اللرده شام شهرینده
قویولدی میّتی ویران سرایه گلدیم حسین
.
رقیّه ئولدی دیدیم محنتینده جان ویردیم
قازوب مزار همان مه لقایه گلدیم حسین
.
یری گلور منه چوخ نازنین قزون یری بوش
یئتیشدی تازه محن آشنایه گلدیم حسین
.
گلنده قبرینی ئوپدوم دیدیم خداحافظ
کی تاپشوروب اونی اهل وفایه گلدیم حسین
.
«معزی» ام نئچه ایلدی غمونده یانّام آقا
زیارت عشقینه کرب و بلایه گلدیم حسین
.
.
#اربعین_معزی_اردبیلی
#ئوپم_مزاروی_کرب_و_بلایه_گلدیم_حسین
#ترکی
.
#زبدةالاشعار
.
: @nohe_torki