اختر پنجم اسپهر امامت باقر #باقریه_غفاری_زنجانی

حالات حضرت امام محمد باقر علیه السلام
..
..
..
..
..
غفاری زنجانی
..
..
..
..
..
اختر پنجم اسپهر امامت باقر
وارث ختم رسل شمس هدایت باقر
نسل پاک علوی روح عبادت باقر
جدّی پیغمبره همنامیدی باقر لقبی
طیّب و طاهر اونون سلسله اصل و نسبی
..
..
..
..
..
قویماموشدی هله بو دهر پر آشوبه قدم
جابره ایتدی بیان جدی رسول اکرم
عشق اسلامیله دائم چکن ای دهریده دم
ساخلا خاطرده پیامیمدی سنه ای جابر
سنه هم عصر اولا جاقدی منیم اوغلوم باقر
..
..
..
..
..
عمر طولانی ایدرسن دیدی ای خوش فرجام
گوردون هر وقته بالام‌ باقری ای نیک مرام
اونا مندن یتور ای جابر انصاری سلام
علم حقین او بالام بیل که شکافنده سیدور
دین اسلامون اولان ناشر آینده سیدور
..
..
..
..
..
جدی پیغمبره بنذردی گوزل سیماسی
سیرتی صوررتی اول چهرۀ دل آراسی
حرکات و سکناتی سخن شیواسی
صاحب زهد و ورع سرّ خفیّاته خبیر
دائماً یاد خداوندیده اذکاری کثیر
..
..
..
..
..
وارث علم نبی جان و دل آلعبا
فیض اونون محضر پاکیندن آلاردی علما
صاحب کشف کراماتیدی اعجاز نما
نچه مین عالم برجسته و ممتاز مقام
تربیت ایلدی اسلامه او وارسته امام
..
..
..
..
..
اولدی اول حضرته هم عصر او نامرد هشام
ساخلادی بغض و عداوت اونا قلبینده مدام
حکم ایدوب جبریله اول حضرت اولوب عازم شام
نچه گون ساخلادی ظالم در دربارینده
اینجدوب فاطمه نون اوغلونی رفتارینده
..
..
..
..
..
مختلف واردی خبر قتلنه اول مولانون
هانسی بیر الده خزان اولدی گلی زهرانون
یتشوب فصل خزانی چمن طاهانون
والی یثرب الینده و یا هشامین
ماحصل باشه چکوب شهد شهادت جامین
..
..
..
..
..
ایسته دی عالمی محروم ایده سیما سیندن
یاندیرا قلب جهانی غم عظما سیندن
آگه ایتدی بالاسین شرح وصایاسیندن
حضرت صادقه امر ایتدی او مولای زمن
غسلومی ویرسن ئوزون پیکریمه ایله کفن
..
..
..
..
..
اوچ لباسیله بالا جسمیمون اولسون کفنی
باغلا هم باشیمه عمامه می دفن ایله منی
چاقور اهل وطنی تا اولا مطلب علنی
هامیا روشن اولا یعنی وصیّیم سن سن
ایسترم مطلب اولا هامیا گون مثلی علن
..
..
..
..
..
ثروتیمدن ای اوغول ایله بکائینه عطا
تا منه آغلیالار موسم حج اهل بکا
ایل به ایل اون ایله تک تا اولا تجدید عزا
اولا معلوم نقدر دهریده مظلوم اولدوم
دولدی قلبیم غم و اندوهیله مسموم اولدوم
..
..
..
..
..
یا ابا جعفر آقا یاندی اورک بو سوزدن
آغلاسا واردی یری جن و ملک بو سوزدن
دل دریاده ایده ناله سمک بو سوزدن
گر چه غم سالدی آیقدان سنی مغموم اولدون
هاردا جدون کیمی بو دهریده مظلوم اولدون
..
..
..
..
..
دیورم آغلامالی جدون حسینون غمیدور
ایل به ایل تازه لنن درد و غم اعظمیدور
اهتزازه گلن هر یرده قرا پر چمیدور
اوجالان مسجد و منبردن حسین وای سسی دور
دولدوران یر یوزونی شیعه لرون ناله سی دور
..
..
..
..
..
چاتماز هیچ بیر غم آقا جدون حسینون غمینه
حضرت فاطمیه نور دو عینون غمینه
سبط طاها و عزیز ثقلینون غمینه
وار یری هر نقدر آغلاساقون محنتنه
گودی قتلگه ایچره او چتین ساعتینه
..
..
..
..
..
تشنه دور، یاره لیدور، دوره سینی دشمن آلوب
اهریمنلر نه حالا گور او سلیمانی سالوب
خیمه لرده حرمی قیزلاری گوز یولدا قالوب
کشتی دین خدا ورطۀ طوفانه دوشوب
قطعه قطعه اولوب افسوس او بیابانه دوشوب