السلام ای حضرت حمزه عموی مصطفی #حضرت_حمزه_محمدرضاصادقی

《 بمناسبت ۱۵ شوال سالروزجنگ اُحُد وشهادت جانگداز جناب حمزه سیدالشهدا(ع) 》
..
..
..
..
محمدرضا صادقی
..
..
..
..
اَلسَّلام ای حضرت حمزه عموی مصطفی
ای علمدار رشید حضرت خیرالورا
..
اَلسَّلام ای حامی قرآن و احکام خدا
اَلسَّلام ای ائلیین اوز جانینی دینه فدا
..
اَلسَّلام ای حضرت پیغمبره نصرت ائدن
جان وئرینجه اولمیان راه پیمبردن جدا
..
اَلسَّلام ای شیر مرد غزوهء دشت اُحد
ثبت اولوبدور شهرتون تاریخده شیر خدا
..
سن رشادت گوسترن گوندن عدو تضعیف اولوب
دین حق ایثاریویلن تاپدی هرگون اعتلا
..
اَلسَّلام ای قهرمان بی نظیر و جنگجو
ای نبردیندن گلن جانه گروه اشقیا
..
ای ایکی اَللی ائدن دشمنلرینن کارزار
وار یری حقدن بو ایثاره گلیدی مرحبا
..
سن شهیدلر جرگه سینده سید وسالارسن
بو مقامی ائیلیوبدور حق سنه اَوّل عطا
..
اَلسَّلام ای قطعه قطعه دوغرانان اعضالری
دست ظلمیله اولان حقینده چوخ جور و جفا
..
تا شهید اولدون پیمبر ، ماتمونده آغلادی
گوز یاشی توکدی عذاره فرقتونده مرتضی
..
تا گوروب جسم شریفون مُثله اولموش ظلمله
گوز یاشین دامانه توکدی مصطفی ائتدی بُکا
..
اوز مبارک اللریلن جسمیوی ائتدی کفن
ائیلدی حضرت نماز میتین شخصاً ادا
..
گوزیاشین توکدی عذاره سسلدی ایوای عمو
عرشه اوج ائتدی او دم اصحابیدن واویلتا
..
ناله ائیلردی صفیه اوز باجون ،صبح و مسا
وردی اولموشدی اویان یاتما بو نوعیله اَخا
..
کربلاده بیرده بو وردی خانم زینب دئدی
قان ایچینده تا گوروب قارداشینی اول مه لقا
..
یوز دوتوب درگاه حقه سسلدی بیردن خانم
بار الها شاهد اُول ” هذا حسین بالعراء ”
..
یازما شیدا اُول چوخور یرده نَلَر گوردی خانم
سسلدی ” وا مرتضا ، وا حمزتا واجعفرا ”
..
..
..