سلام بر حسین
رجز روز عاشورا
..
..
..
..
حاج غلامرضا عینی فرد زنجانی
..
..
..
..
السلام ای قتلگاهی قانلو دریا یاحسین
غیرت دین روح قرآن جان زهرا یاحسین
..
..
..
..
انقلابون عالم امکاندا سالدی ولوله
رادمردان جهانی نهضتون ایتدی وَله
خنجره لبخند ویردون فرصت اولسون قاتله
خواب غفلتدن آینسین شاید اوندا یاحسین
..
..
..
..
توکمه سین معصوم قانین تپراق أسته شمردون
اولمادی بیدار اما حلم و صبروندن سنون
کسدی باشین توکدی گوز یاشین او بی رحم و زبون
باشین آچدی سسلدی جنّتده زهرا یاحسین
..
..
..
..
قانون آخدی یازدی مقتلده عدالت زنده باد
دیکتاتورلار سرنگون اولسون شرافت زنده باد
پایدار اولسون شریعت هم ولایت زندہ باد
بَه ایوین آباد ای محبوب یکتا یاحسین
..
..
..
..
گر دیسم گوندور ئوزون ناقصدی تشبیهیم آقا
کهکشانلارا ذرّه دور نور وجودوندن شها
کوی عشقونده چکوب صف انبیا و اولیا
اولدى لایَنحَل عشقون چون معمّا یاحسین
..
..
..
..
مدح ایدم مولا سنی من عشقیدن درس آلموشام
تاپمورام شایسته بیر سوز مات و حیران قالموشام
پردۀ پنداره تصویرون همیشه سالموشام
بُلمورم ایلوم نه نوعی مدح و انشا یاحسین
..
..
..
..
ای وجودی مظهر اوصاف حیّ و لا یُرا
مسندین بر یرده سالمش خالق ارض و سما
هر کسین یوخ قدرتی ای شاه ال تاپسون اورا
جز او کسلر که سنیلن اولدی همتا یاحسین
..
..
..
..
سن یداللهین الینده تربیت تاپدون حسین
عصمت اللهه اولوبسان بو جهاندا نور عین
سالدی مظلومیّتون نسل بشرده شور و شین
چخمیوب یاددان چخانماز بیله غوغا یاحسین
..
..
..
..
جهد ایدوب آل أمیه سنکیمی شاهی یخا
بوتۀ غمده یارالی قلبیوی محکم سخا
اکبرون نعشون تاپاندا آز قالب جانون چخا
گلمسیدی زینب اولموشدی بو معنا یاحسین
..
..
..
..
صبر ویردی بو مصیبتده حق ذوالمن سنه
سن کویر زندگینی دوندروبسن گلشنه
اوخلانوبدور گل لرین اولموب گلستانون گنه
گل لروندن گورمیوبدور چشم دنیا یاحسین
..
..
..
..
ای حسین ای شاهباز قاف عین و شین و قاف
قبریوی سایسز ملک لر روز و شب ایلر مطاف
ایسته عینی فرد بیچاره ایده بیرده طواف
دویماز هر کس گورسه قبرین جان طاها یاحسین
..
..
..
..
#سلام_بر_عاشورائیان #حسینیه #عینی_فرد #ترکی #زبدةالاشعار #حسینیه_مدح #یاحسین
نظر دهید