الهی بندووم، عفو إئت، خطا مندن، عطا سندن #مناجات_حضرتی_هاتف

مناجات رمضانیه
.

.
.
سعید حضرتی ( هاتف )
.
الهی بندووه م، عفو إئت، خطا مندن، عطا سندن
تهی دستم گنه کارم،بوش ال مندن، سخا سندن
.
بو آیدا میزبان سنسن، اؤزون امر إئتمیسن یا رب
که هر نه ایسته سه مهمان، قئییتمز هیچ دعا سندن
.
الیمده آیری تحفه م یوخ، وجودیمدی، که یوخ قدری
بو امّیدیله بو بزمه، گلیب تاپسین بها سندن
.
گناهیله دونوب رنگی، بیلینمیر دیلدی یا داشدی
غبار آلوده دل مندن،صفائیله جلا سندن
.
اگر بیراهه گئتسم ده،جلالون خاطری عفو إئت
منیم تاب و توانیم یوخ،گوره م ذرّه بلا سندن
.
سن ای هر دردلره چاره، منیمده دیلده دردیم وار
ساغالماز، غیر ممکن دی، مگر آلسا دوا سندن
.
حسینون خاطری یارب، دعامی مستجاب ائیله
سینیخ دل، گوز یاشی مندن، برات کربلا سندن
.
نه قدری دردی وار دیلده، نئچه مین خسته “#هاتف” تک
آچیب أل عجزیله تا که، آلا درده شفا سندن
.
.
.
#مناجات
#رمضانیه
#الهی_بندووه_م_عفو_ائت_خطا_مندن_عطا_سندن
#حضرتی_هاتف
#ترکی
.
.