مناجات
✍️ زبدة الاشعار ✍️
?: @nohe_torki
احمد پوریا
الهی رحم ایله بیر بنده ی غرقِ در عصیانم
گناهیم چوخدی درگاه ِ حَقونده ،زار و نالانم
کریم الله ، غفور الله ،عنایت قیل منه یارب
خطا ایتدیم ، ولیکن ،اوز گناهیمدن پشیمانم
مُکرَّر توبه ایتدیم بارالها توبه سیندیردیم
گینه گلدیم اولام سائل ،خدا محتاج غفرانم
بو درگاه جلالونده ،حقیرم روسیه عبدم
الهی عفو قیل لطف ایت که من در سوی جبرانم
آچوبسان باب ببخش یاربا دریای رحمتدن
کریما سفره ی احسانیوه بو آیدا مهمانم
گوروب چوخ مستحقّی اولمادی فرصت ایدوم امداد
خدایا دست خالی بنده یم محتاج احسانم
باغشلا سن گنهکاری بحقِّ مرتضا حیدر
دخیلم من ،ذلیلم ،بارالها قلبی سوزانم
سنی ویرم قسم یارب حسین تشنیه خاطر
گذر ایله گناهیمدن حسینه من نواخوانم
حسینه نوکرم گرچه لیاقت منده یوخ یارب
هامی دارو نداریم فدیه دور بو شاهه قربانم
خدا توفیق ویر (پویا )رکابینده قدم وُرسون
قبول ایتسون اگر منده فدای دین و قرآنم
#مناجات
#الهی_رحم_ایله_بیر_بنده_غرق_در_عصیانم
#احمد_پوریا
#ترکی
✍️ #زبدةالاشعار ✍️
?: @nohe_torki
نظر دهید