شهادت حضرت زهرا سلام الله علیها
.
.
حاج داود #بیدقداری
.
.
ال سینه ده حسرتله ئولن فاطمه لایلای
چوخ آغلیوب آز وقتی گولن فاطمه لایلای
.
جبریل ائدن گویده اونون آدینی ازبر
درگاهینه حسرت آپاران گویده ملک لر
یئرده ئوز ایشین فضه کنیزیله برابر
اللهه گوره ایوده بولن فاطمه لایلای
.
.
عزت یارادان عالمه کاشانۀ عشقی
رشک ملک اولده اولان خانۀ عشقی
آخرده چکیب شعله یانان لانۀ عشقی
بلبل کیمی افغانه گلن فاطمه لایلای
.
.
ایثارائلین عشق طریقینده نگاره
تقدیم ائلین واریوخونی محضریاره
معصومه ی اول که ئولوب سینه سی یاره
احوالینه آغلاردی کفن فاطمه لایلای
.
.
گوی اهلینه تاثیرائلین رنج وملالی
مسجدده گئدوب نطق ائلین سینه یارالی
گون تک هامیا روشن اولان قدر وجلالی
بیرشمع تک آهسته سونن فاطمه لایلای
.
.
یاز وقتی گل عمری سولان صحن چمنده
آغلار گوزیلن ساکن اولان بیت حزن ده
گوزیاشینی گل صورتینه جاری ائدنده
حیدر یوزین آهسته سیلن فاطمه لایلای
.
.
.
.
#فاطمیه_شهادت
#ال_سینه_ده_حسرتله_ئولن_فاطمه_لایلای
#ترکی #فاطمیه
#زبدةالاشعار
نظر دهید