اهل بیتون شامیدن گلدی سنه مهمان حسین #اربعین_هاشمی_زنجانی

اربعین
.
زبدة الاشعار
.
: @nohe_torki
.
.
سیدعزیزهاشمی زنجانی
.
.
اهل بیتون شامیدن گلدی سنه مهمان حسین
زینبون اولسون بو توزلی قبروه قربان حسین
.
.
کیم سنون دفن ایلدی قارداش یارالی پیکرون
دفن وکفنین گورمدی افسوس ئولنده خواهرون
گلدی اماشامه تک منلن او راس اطهرون
نیزه باشندا اوخوردی آیهٔ قرآن حسین
.
.
اهلبیتون گلدیلر،بیرنور دیده ن گلمدی
بلبل باغ وفایعنی رقیه ن گلمدی
کنج ویرانه اولوب اول طفله مدفن گلمدی
گوشه ویرانه ده حسرتله وئردی جان حسین
.
.
کربلادن شامه تک گوزیاشی توکدوخ آغلادوخ
آتش قلبیله یکسر کائناتی داغلادوخ
بو مصیبتده حسین جان قاره معجرباغلادوخ
عترتون قالدی بیابانلاردا سرگردان حسین
.
.
وردیلارقمچی باشیمدان گه منیم قوم ستم
اشقیانون ظلم بی حدّیندن اولدوم دیده نم
داش دگنده باشیوه قارداش جان اولدوم قدی خم
منده چالدوم محمله باش ایلدوم افغان حسین
.
.
قبرپاکون آرزو ایلردوم هرصبح ومسا
لیک چاتموردی الیم ای پادشاه کربلا
گلموشم ایندی توکم گوزیاشی گوزدن برملا
سرگذشتمدن ائدم تابیربه بیر عنوان حسین
.
.
بیردویونجاقویمادی اعدا سنونچون آغلیام
باش آچام سوزدلیله عرش وفرشی داغلیام
گلموشم ایندی عزالی قبرون اوسته آغلیام
زینب خونین جگرفرصت تاپوب الآن حسین
.
.
دوشموشم آغلارگوزیله چوللره مجنون وار
نیلرم سنسیزجهاندا من حزین دلفکار
قورتاروب صبریم گئدوبدورطاقتیم قالموب قرار
اولموشام نار اَلمدن سینه سی سوزان حسین
.
.
یوللاری گلدوقجه قارداش چوخلی افغان ایلدوم
قویمادیم مخفی قالا حقّی نمایان ایلدوم
حق یولوندا اولماقی دنیایه اعلان ایلدوم
حشره تک چخمازیقین بونهضتیم یادّان حسین
.
.
ظاهراًمغلوب اولوبسان باطناًعالم بولر
زاده مرجانه مغلوب اولدی چون ظلم ائتدولر
«هاشمی»ده بوسوزه باخدوقجاگوزیاشین الر
ایسته گلسون دیده گریان قبریوه مهمان حسین
.
.
.
.
.
.
#سبک_زینبم_جان_اوستیم … 4 سبک
.
.
.
.
#اربعین
#اهل_بیتون_شامیدن_گلدی_سنه_مهمان_حسین
#هاشمی_زنجانی
#ترکی
.
#زبدةالاشعار
.
: @nohe_torki