در وصف #مادر
#گریز به شهادت حضرت زهرای مرضیه (س)
.
#زبدةالاشعار
.
: @nohe_torki
.
#بلادی_اردبیلی
.
اولادین ائدر قلبینی سوزان ننه دردی
هر نه چیخا چیخماز ولی یادان ننه دردی
.
قربان آنانون عشقینه ایثارینه جانیم
بیر گولمه گینه هدیه دی بوروحِ روانیم
اولدی سپری محنتینه عمر جوانیم
ایللردی سیخور قلبی کماکان ننه دردی
.
لایلای سسی هر درد اولا درمان ائلیردی
باش آغریسینا جانینی قربان ائلیردی
یانسیدیدا اولادینی خندان ائلیردی
دنیاده ائدر قلبی پریشان ننه دردی
.
دردین ننه نون سینه ده ساخلار ننه سیزلر
آه غمه داغلی دیلی داغلار ننه سیزلر
مین سینّیده اولسا گینه آغلار ننه سیزلر
ابری ائلیر غصه لی باران ننه دردی
.
وئرمزبالا لایلای سسین انحار بهشته
والهی دگر گولمه کی گلزار بهشته
یا فاطمه ذکر ایله باخ اسرار بهشته
دیل ملکون ائدر غصّه لی دیوان ننه دردی
.
اورگتدی وفا درسینی لایلای منه چالدی
ذکر ائتدی حسین آدینی گهواریه سالدی
هر ایل آقامون یاسینه قاره منه آلدی
چکسه سارالار روضۀ رضوان ننه دردی
.
یاس اوغلی ئولنلر کیمی ساخلاردی حسینه
باشینه عزا معجری باغلاردی حسینه
هر یئرده سو گورسیدی چوخ آغلاردی حسینه
اود تک ائلیر دردی فروزان ننه دردی
.
سینم قوشی یول سالدی ولایت قاپوسوندان
بیر سس ایشیدیب غملی رسالت قاپوسوندان
گوردوم اوجالور ناله امامت قاپوسوندان
نی تک ایلیوب قلبی نواخوان ننه دردی
.
دورت خیردا اوشاقین سسی عرشه اوجالیردی
قلبی اولارون تشنه بالیق تک چوبالیردی
یاندوم ننه وای ناله سی آرامی آلیردی
انسانون ائدر قلبینی شان شان ننه دردی
.
قربان اولا زهرایه ئوزومده هم آنامدا
قربان اولا حیدر غمینه غملی آتامدا
قربان اولا زینب قیزینا خیردا بالامدا
مشگل دی چکه طفل یتیمان ننه دردی
.
ظهریدی اذان موقعی زینب باشین آچدی
یاندوم ننه وای دیلده حسن مسجده قاچدی
سسلندی ننم ئولدی بابا اود دیله ساچدی
گوزلرده گوروب ناطق قرآن ننه دردی
.
یول سالدی ائوه گه یخلوب گاهی دوروردی
آهین شرری سینه سینه یاره ویروردی
قلبی یارالی قوش کیمی غمدن چوبالوردی
پرچم تک ائدر سینه نی لرزان ننه دردی
.
گچدی گئجه یاری قویولوب مغسله زهرا
آلدی الینه سنموش الی زینب کبری
قاره چکیلوب جنته قان آغلادی طاها
قیز دردی چکوم، خالق منّان ننه دردی
.
محنت سئلی هرغصّه لی داغ داشدان آشوردی
حیدر ئورگینده غم ایامی داشوردی
مسمار یاراسین یووا، زینب سو داشوردی
ایلر سووی بو غصه ده القان ننه دردی
.
حیدر دئدی یافاطمه آلقانی یوواندا
پهلوسی سینیق یاره لی اعضانی یوواندا
سسلندی قیزی زینبی زهرانی یوواندا
ویردی بالاجا قلبووه پیکان ننه دردی
.
حیدر آپاراندا خانمی زار و مکدر
تابوتی دوتوب دیلده نوا زینب مضطر
دور غملی ننه باشیمه باغلا قره معجر
امید ائویمی ایلدی ویران ننه دردی
.
کیمدی ننه مون آغلیانی آی بابا گئتمه
بیزدن سورا یاس ساخلیانی آی بابا گئتمه
یوخ قارداشی دیل داغلیانی آی بابا گئتمه
دنیانی ائدیب زینبه زندان ننه دردی
.
آی کوچه ده آغلار گوزونه قان دولانیم وای
آی سجده ده بیر اللی قنوتی دوتانیم وای
آی زندگیده خوش گونه حسرت قالانیم وای
لقماندا ائدنمز منه درمان ننه دردی
.
قالدوم ننه سیز آی بابا من دور زماندا
کیم گویلوم آلار قلبیمه غم غصّه دولاندا
دنیا دولانار باشیه مسماره باخاندا
آیا ساغالار سینه ده هاردان ننه دردی
.
یانموش قاپودان فاطمه تابوتی چیخاندا
کلثوم ال آتوب باشینه زینب باش آچاندا
ئولموشدی علی مرقد زهرایه چاتاندا
قبری کیمی گئتدی اولا پنهان ننه دردی
.
اسدی دیزی اوتدی یئره بیر یول دئدی زهرا
یئخدون ائویمی عم قیزی قویدون منی تنها
گه شهره گهی قبره خطاب ایلدی مولا
آهی اود ائدر سینه ده هران ننه دردی
.
قران باش آچوب بوغمه چون کوثر ئولوبدور
غنچه داغیلوب پشت دره پرپر ئولوبدور
ای خاک بقیع فاطمه یوخ حیدر ئولوبدور
گوز یاشین ائدر چشمه جوشان ننه دردی
.
دردین اثری زینبی سالدی هیجانه
باخدی در و دیواه دیل آچدی یانا یانه
سسلندی حسین قارداشینی گلدی بیانه
هیهات ئورگیمدن چیخا یادان ننه دردی
.
بیر گون سوروشیدوم ننه مون دردین ئوزوندن
بیلدیم نَلَر اولموش من حسین قانلی گوزوندن
دگمیشدی آنام فاطمه نون سیلی ئوزوندن
ائتدی قاپوموز تک منی سوزان ننه دردی
.
یاندوم دئدی زینب قاپوموز اوددا یاناندا
دویدوم جانیما سیز منه حسرتله باخاندا
ئولدوم او زمان من علی قول باغلی دوراندا
قبریمده ده ایلر منی گریان ننه دردی
.
قارداش ننه میز دهریده قارداشسیز ئولوبدور
مسمار بلا قلبینی اوخ مثلی بولوبدور
قارداشیم حسن دِئیدی ننم چوخ دوگولوبدور
منلن گئده جک شامه ده مهمان ننه دردی
.
باخما قاپیا غملی غریبوک بو وطنده
بونّاندا چتین نسگل اولار زینب ئولنده
نیلرسن حسین ئوزگه منه نوحه دئینده
داغلار یارالی قلبووی جان جان ننه دردی
.
ئولّم من حسین شام غریبان قوران اولماز
اولماز گلنیم یاسه نه بیر باش آچان اولماز
ویرانه ده قبری قازانا آغلیان اولماز
اوددور منه قارداش دیل آچاندان ننه دردی
.
زینب باجوون گوزلری گوز یاشووه قربان
اودلی نفسون ایلور حسین سینه می سوزان
یازدی ننه دردین بو(بلادی) گوزی گریان
بش یاشدا منی ایلدی نالان ننه دردی
.
#مادر_ختم_خوانی
#فاطمیه_شهادت
#اولادین_ائدر_قلبینی_سوزان_ننه_دردی
#ترکی
.
#زبدةالاشعار
.
: @nohe_torki
#سبک با صدای مسعود #غفرانی_اردبیلی . . حاج افشین بابک اردبیلی . . ای صاحب زمانه ئورک دونوبدی قانه بو خسته قلبیم هر آن دوتور سنی بهانه . ئورکلرین قراری فاطمه نون نگاری بو باغه ای باغبان گتور گوزل بهاری بیشتر
نظر دهید