اولدی ئورک لر قان الهی #حیدریه_بهزاد_قاسمی

شهادت حضرت علی(ع)
.
#زبدةالاشعار
.
: @nohe_torki
.
#سبک_گل_پیکری_صد_پاره_قارداش … 2 سبک
پخش‌کننده صوت

.
بهزاد قاسمی اردبیلی
.
اولدی ئورک لر قان الهی
یاغدی یره طوفان الهی
سجّاده اوسته باتدی قانه
شاهنشه مردان الهی
.
معناده زهراچالدی لایلای
زینب دئدی مظلوم بابام وای۲
.
.
.
گُللر سارالدی گلستاندا
آغلاشدی قوشلار آسماندا
دوشدی نفسدن ماه کوفه
جان قالمادی اول خسته جاندا
.
معناده زهرا چالدی لای لای
زینب دئدی مظلوم بابام وای
.
.
.
تار اولدی دنیانون هواسی
درد اهلینون گئتدی دواسی
محرابین اوسته شاه عشقین
باتدی قانا کهنه عباسی
.
معناده زهرا چالدی لای لای
زینب دئدی مظلوم بابام وای
.
.
.
شهباز غم دوشدی کمنده
یاندی شرار اهرمنده
دیسگیندی مولا سجده اوسته
دالدان اونا خنجر دگنده
.
معناده زهرا چالدی لای لای
زینب دئدی مظلوم بابام وای
.
.
.
غرق اولدی جان مرجان ایچینده
قالدی ئورک طوفان ایچینده
کیم مسجده گلدی نمازه
گوردی علینی قان ایچینده
.
معناده زهرا چالدی لای لای
زینب دئدی مظلوم بابام وای
.
.
.
گُللر قاریشدی برگ زرده
دگدی یارا مرد نبرده
درمانلارین درمانی الله
دوشدی نماز اوستونده درده
.
معناده زهرا چالدی لای لای
زینب دئدی مظلوم بابام وای
.
.
.
#حیدریه_شهادت
#اولدی_ئورک_لر_قان_الهی
#ترکی
.
#زبدةالاشعار
.
: @nohe_torki