اولدی بهار فصل گل و گلستان گلور #حسینیه_ذهنی_تبریزی

افتادن امام مظلوم از ذوالجناح هنگام شهادت با مقدمه #بهاریه
.
.
.
مرحوم ذهنی تبریزی
.
اولدی بهار فصل گل و گلستان گلور
گلزاردن روایح عنبر فشان گلور
.
اسدیقجا گل گیاهه طراوت ویرورنسیم
گویا که مرده دللره روح روان گلور
.
سرسبز اولوب صنوبر وصد برگ سرو عاج
رنگ زمردی چمنه ارمغان گلور
.
گل شاخه سینده غنچه لب آچمش تَبَسُّمه
بلبلده گل سراغین آلوب شادمان گلور
.
زینت تاپوب چمن گل نسرین و لاله دن
عطر و عبیر و یاسمن و ضیمران گلور
.
نرگس باخار خمارگوزیله شقایقه
مخمور ایدور بنفشه گنه سرگران گلور
.
گلشن دولوب ترانۀ هات الصّبوحدن
سوسن دلینده حبّوا سُکاری بیان گلور (1)
.
بزم وصال عاشق و معشوق اولوب چمن
ساقی تک الده جام عقیق ارغوان گلور
.
سرخوشدی جام وصلیله هر چند عندلیب
اما فغانه گاه عیان گه نهان گلور
.
#گریز
.
آغلار بهار بلبلی بولمم ندور سبب
گویا خیالینه گنه فصل خزان گلور
.
یوخسا بهار کرب و بلانین خزانینی
فکر ایلر آه و شیونه هر بیر زمان گلور
.
باخدیقجا سروه قامت عباسی یاد ایدر
آچموش علم نظرده او سرو روان گلور
.
وار چوخ شباهتی سوسوز اطفال جامینه
هر لاله الده کاسه دوتوب باغریقان گلور
.
شبنم که قطره قطره گل اوستونده گورسنور
اکبر یوزینده قان نظره بی گمان گلور
.
گل خیمه سی نظرده که پامال خاردور
طوی حجله گاهی غارت اولان نوجوان گلور
.
هرغنچه آچمیوب سولوب اصغر نشانیدور
باخدیقجا خاره خاطره تیر و کمان گلور
.
بلبل چکنده ناله حسین وای دیر یقین
غم گلشنینه شیونیله نغمه خوان گلور
.
تک بلبل آغلاماز بومصیبتده جن و انس
آغلار حسینه نالیه قدّوسیان گلور
.
فریاد او وقتدن که گوروب شاه ملک غم
نه بیر کمک قالوب نه بیر الدن دوتان گلور
.
هل من معین دینده جوابین قلج ویرور
ناصر دینده نیزۀ طاقت ستان گلور
.
اوخ متّصل اوخ اوسته یاغور چارسمتدن
تیر بلادی سینه سین ایتمیش نشان گلور
.
خالی ایدوب مبارک ایاقین رکابدن
گوردی آت اوسته دورماقا مشکل توان گلور
.
حالات #ذوالجناح
.
آلچاق لیوب اوزین یره چون بیلدی ذوالجناح
توپراق لاراوسته رکن زمین و زمان گلور
.
آهسته قویدی عرش خدا زینتین یره
تا گوردی حمل بار امامت گران گلور
.
یوز دوندروب خیامه او حیوان با وفا
گاهی یرور گهی دایانور گه دوان گلور
.
فریاد الظَّلیمةُ مِن امّتی دیور
هردم معاینه دله اول بی زبان گلور
.
سویلور پیمبر اوغلونی ئولدوردی امتی
داد ایلر آہ و زاریله ناله کنان گلور
.
بی صاحب اهل بیته أمام غریبدن
وئرماقلیقا ئولوم خبری ناگهان گلور
.
آل رسول صیحه چکوب وامحمدا
چون ذوالجناح گوردیله شیحه زنان گلور
.
امّا نه ذوالجناح اؤز آدیله صفت لنوب
اوخدان وجودی بال و پر آچموش عیان گلور
.
عورت اوشاق کنیز و حرم دگدی بیر بیره
بی اختیار حریم ولادن چخان گلور
.
آسیمه سر تمام چخوب خیمه گاهدن
هولیله ذوالجناحه طرف بانوان گلور
.
گویا که کربلاده قیامت قیام ایدوب
لانقطع صدای انین و فغان گلور
.
واضیعتا دلینده خواتین محترم
سیلی یوزه وورا ورا مویه کنان گلور
.
بعضی حسین حسین دیر ایلر یوزین خراش
بعضى الى باشندا چکور الأمان گلور
.
بعضی دینموری دوتولوب غصه دن دلی
تتریر بدن اورک دوگونور باغریقان گلور
.
بعضی بابا دیه دیه صاق وصولا قاچار
سویلر خدا نه وقت او شه مهربان گلور
.
بعضی اوشاق چاشوب ایتوروب هولدن أؤزین
بولمور نه وار قاچور چوله بیر باش هایان گلور
.
اوّل اؤزین سکینه یتوردی برابره
سویلوب بابام منیم دئ گوروم بس هاچان گلور
.
آیا نه یوز وئروب سنه بو نوع مات سن
حالون گورنده غصه منه چوخ گران گلور
.
قویدون پیاده هاردا من آیا امید ایدوم
بیرده سوار اولوب سنه شاه جهان گلور
.
مبهوت و مات ششدر حیرتده قالمیشام
بو نوعیله که هلهلۀ کوفیان گلور
.
هرگز اینانمورام بابامی بیرده صاق گورم
مشکل خیامه بیرده شه انس و جان گلور
.
میدانی دولدوروبدی وورون ئولدورون سسی
فریاد و داد کشمکش شامیان گلور
.
آیا سو ویردیلر اونا یا تشنه جان ویروب
یا العطش صداسی اونوندور هر آن گلور
.
بیر سس گلور گلون منه بیر جرعه سوویرون
سس صاحبی خیاله شه بیکسان گلور
.
اوخشوب سکینه آغلادی شوریله اهل بیت
زینب نه گوردی لرزیه کون و مکان گلور
.
طبل بشارت عرشه اوجالدی سپاه دن
ایلوب هجوم خیمه لره شامیان گلور
.
سویلوب سکینه آغلاما یاندیرما قلبیمی
هرگز تصوّر ایلمه بیرده بابان گلور
.
دشمن توکولدی خیمیه سس چکمه ایتمه داد
دینمه اماندی غیظیله شمرو سنان گلور
.
چوخ توکمه گوزیاشون بالا صبرایله آغلاما
آز باشه وور که باشوه قمچی وران گلور
.
بیلمم ندور خیالی بوبی شرم لشکرین
یکسر قلج چکوب اله خنجر ووران گلور
.
ذهنی امام عصر بو محنتده آغلیوب
ذکر ایتمه بسدی داده شه انس و جان گلور
.
.
(1) حبوا سکاری = مست عشق، سرمست محبت
.
.
#حسینیه_ذهنی_تبریزی
#حسینیه_شهادت #بهاریه
#اولدی_بهار_فصل_گل_و_گلستان_گلور
#ترکی
.
.