اولدی شب عاشورا گون باتدی خلایقدن #مصیبی_تبریزی

شب عاشورا
.
زبدة الاشعار

?: @nohe_torki
.
سبک ::
بدون واگیر :: یاران چه غریبانه …

با واگیر : آتدان یره چون دوشدی …
.
محمد علی مصیبی تبریزی
.

اولدی شب عاشورا
گون باتدی خلایقدن
سس گلدی حسین لبّیک
یتمیش نفر عاشقدن
.
واگیر:
((صبح اولسا قان یاغار دشت بلایه
خورشید دین چیخار نوک جدایه))
.
.

شه ، قوم جفاگردن آلدی بو گئجه مهلت
ییغدی باشا انصارین اتمام اولا تا حجّت
اوّل او جماعتدن مولا گوتوروب بیعت
.
.
فرمایش ائدوب بیله ؛ ای قوم وفا آیین
قالسون او فدالر کی بذل ایلیه جاق جانین
کیملر طمعِ ماله گلمیشله دوروب گئتسین
.
.
قرخ مین قوشونین قصدی تنها منم ای لشگر
ایستولـله حسین ئولسون بو فرقۀ کین پرور
اولسا گئده نوز گئتسون کافی دی منه اصغر
.
.
گون چیخسا بو صحرانین غوغاسی قیامت دور
بو چولده قالانلارین سوداسی شهادت دور
کیم باتسا سحر ، قانه سرمنزلی جنت دور
.
.
بو عرصه دگور لایق عشاق سرافرازه
حق زینت ائدوب عرشین آزادۀ جانبازه
خالقدن عنایت وار هر عاشق ممتازه
.
.

خاموش اولونوب مشعل سودایه گلن گئتدی
مرغان ولا قالدی زاغیله زغن گئتدی
بیگانه وفاسیزلار اول قافله دن گئتدی
.
.
تا گوردی بو احوالی عباس وفاپرور
گلدی دولانوب شاهن باشینه او نام آور
گُستردی وفا درسین اول ماه ملک منظر
.
.
عرض ایله دی مولامین عشّاقینه عشق اولسون
پروانه لرین جاندان یانماقینه عشق اولسون
یتمیش ایکی جانبازین میثاقینه عشق اولسون
.
.
گوستردی حسین اول دم اعجازینی احراره
بارماقلار آراسیندا جناتی قالانلاره
آتدان دئدی تا دوشدوز عازم سیز او درباره
.
.
دولدی گوزی سقانین عرض ائتدی کی جان قارداش
من نیلیورم سن سیز گلزار و جنان قارداش
جنت منه تک سن سن قربان سنه جان،قارداش
.
.
یاز قورخما«مُصَیّب»سن تا جوشه گله قانلار
بو بیر گئجه نین صبحی قانه باتار عطشانلار
باشسیز قالار اصلانلار صدچاک اولی قربانلار
.
#سبک_آتدان_یره_چون_دوشدی (با واگیر)
#سبک_یاران_چه_غریبانه (بدون واگیر)

.
#شب_عاشورا
#اولدی_شب_عاشورا
#مصیبی_تبریزی
#ترکی
.
#زبدةالاشعار

?: @nohe_torki