اولسون علیله جانیم، بو قامتون فداسی

خروج از مدینه
زبانحال حضرت صغری (س)
.
زبدة الاشعار
.
: @nohe_torki
.
مرحوم #دلریش
.
اولسون علیله جانیم، بو قامتون فداسی
وجهی ندور گیوبسن، قارداش سفر لباسی
.
.
چوخ حسرتین چکردیم، قارداش سنون وصالون
اولمازدی چون میسّر، هر گون گورم جمالون
یوخسا خدا نکرده، واردی سفر خیالون
سویله گوروم صریحین، ای دردیمون دواسی
.
.
اولدی علیّ اکبر، بو نوعیله شکرریز
وئردی او بینوایه، بیر مژدۀ غم آمیز
ائتدی فلک غمیله، جام فراقی لبریز
سالدی آرایه فرقت، ای درد مبتلاسی
.
.
نه بیخبر یاتوبسان، ای باجی دور ایاقه
ائتدی فلک مبدّل، وصلون سنون فراقه
یوکلندی بار محنت، سمت ره عراقه
وار شاه کربلانین، چون که سفر بناسی
.
.
قارداش بو نه سفردور، ایلوب بابام اراده
وار قسمتیم منیمده، هر محنت و بلاده
سندن صورا سالور کیم، بس بو علیلی یاده
قویمام سنی یقین ائت ، وار گویلومون هراسی
.
.
سنلن منیم همیشه، ای معدن کرامت
گوگلوم تاپار تسلّی، چون یوز وئرنده محنت
گئتسن اگر کیم ایلر، بو بی کسی عیادت
گئتمه قبول ایله، مندن بو التماسی
.
.
باجی گرک گئدم من، چوخ ایلمه فغانی
آرتورما محنتیمی، لنگ ائتمه کاروانی
سندن بودور تمنّام، ایله منه دعانی
تئز مستجاب اولور چون، بیمارلر دعاسی
.
.
تاپسام امان اجلدن، ای بینوای خسته
گلّم سنی آپارّام، چوخ املما دلشکسته
قویمام سنی وطنده، بو نوع بال بسته
گول اولمیاندا گَلمز، هئچ بلبلون صداسی
.
.
دوشدی گینه خیاله، بیر مطلب غم افزا
قالمادی بو گوگولده، نه صبر و نه شکیبا
کرب وبلایه آخر، بیر نامه یازدی صغری
ای کاش اولایدی ویران، بو چرخ دون اساسی
.
.
یتدی نه وقت حسینه، ای شیعه لر بو نامه
قتل علیّ اکبر، یئتمیشدی چون تمامه
امداد ائدن یوخیدی، اول تشنه لب امامه
ناگه یتوب او شاهه، پیغام آشناسی
.
.
آلدی او نامه نی چون، اول شهریار واحد
گویا اولوب او نامه، اوُل سروره مساعد
گوردی ائدر نظاره، صاق و صولینه قاصد
مطلوب بولدی گوردی، وار اوزگه مدّعاسی
.
.
حضرت بویوردی قاصد، آیا نه مطلبون وار
صاق و صولا باخارسان، ایله منه سن اظهار
عرض ائتدی بیر جوانی، چون که منه او بیمار
چوخ تاپشوروبدی واردور، بی حد اونا دعاسی
.
.
بو سوز گتوردی درده، اول شاه انس و جانی
ائتدی خطاب آیا، ایسترسن اول جوانی
گل تا منیله قاصد، گور شبه مصطفانی
گور هانسی نوجوانین، وار بو قدر یاراسی
.
.
قاصد یتیشدی گوردی، دوشموش او ماه منظر
باشدان ایاقه جسمی، زخم سنان و خنجر
گورموش همان جواندور، وئردی نشان او مضطر
صد چاک ائدوبله جسمین، یوخ زخمین انتهاسی
.
.
تا وار حیاتون ایله، «#دلریش» بو غمده ناله
اوضاع کربلانی، سال هر زمان خیاله
داغلا بو غمده باغرون، حضّاریله چو لاله
چونکه بو قاپوداندور، عالملرین شفاسی
.
.
#سبک_احوالیمیز_یاماندی … 10 سبک
.
#سبک_ای_اکبرین_مارالی
واگیر:
قارداش علی ، ای دردیمون دواسی
اولسون باجون ، بو قامتون فداسی
.
.
#خروج_مدینه
#حضرت_صغری
#اولسون_علیله_جانیم_بو_قامتون_فداسی
#ترکی
.
#زبدةالاشعار
.
: @nohe_torki