اولوبدی گلشن عمرون نه تیزخزان آناجان #فاطمیه_ستار_رزاقی

زبانحال حضرت زینب (س) در فراق مادر
.
زبدة الاشعار
.
: @nohe_torki
.
ستار رزاقی
.
اولوبدی گلشن عمرون نه تیزخزان آناجان
منی بو غصه وغم ایتدی باغریقان آناجان
.
سنون فراقیوه صبح و مسا بو عالمده
نجه من ایلمیوم اشگیمی روان آناجان
.
ندندی چرخ جفا منله دوندروب رویشین
همیشه تیر غمه ایلیوب نشان آناجان
.
اوگون کی ترک ایلدون بو وفاسیز عالمی سن
اولوب اوگوندن ایشیم ناله وفغان آناجان
.
فلک ندن منی بو سینیده قویوب آناسیز
اودور زمانه ده یوخ حالیمه یانان آناجان
.
گوزومده جلوه لنور سن دولاندیقون یرلر
ایدور بو خاطره لر حالیمی یامان آناجان
.
خزانون آفتی گل تک سنی ایدوب پرپر
دوا تاپانمادی بو درده باغبان آناجان
.
نقدر جوروجفا گلدی دهریده دوزدون
اورکده غملریوی ایلدون نهان آناجان
.
هاچان کی ایوده گوزوم آستانیه ساتاشور
اوغملی صحنه گوزومده اولور عیان آناجان
.
دوشور خیالیمه اول گونکی رحمسیز اشرار
آچوب جسارته ال ویرمیوب امان آناجان
.
ووروبلا اود اوزمان باب رحمت اودلاندی
اوجالدی عرشه همان لحظه ده دومان آناجان
.
تلاش ایدوردی عدو تایانان قاپی آچیلا
همان قضیه چتیندور اولا بیان آناجان
.
شهامتیله دایاندون قاپی دالیندا اوگون
کی صدمه گورمیه شاهنشه جهان آناجان
.
نه باک ایدوبله خدادن نه ده پیمبردن
اورکده کینه لرون ویردیلر نشان آناجان
.
ووروب آچوبلا او نامردیلر یانان قاپونی
اولحظه اولمادی امدادیوه چاتان آناجان
.
قاپی دالیندا نه چکدون فقط خدا بیلدی
اوظلم اولوب سنه بیر درد جان ستان آناجان
.
ولایت اوسته اوزون هم بالان فدا اولدوز
بویولدا ویردون عجب عالی امتحان آناجان
.
بو غمده اشگینی «رزاقی» عارضه باغلار
دییر حزین حزین ای قامتی کمان آناجان
.
.
#فاطمیه_ستار_رزاقی
#فاطمیه_شهادت
#اولوبدی_گلشن_عمرون_نه_تیز_خزان_آناجان
#ترکی
.
#زبدةالاشعار
.
: @nohe_torki