شهادت حضرت حبیب ابن مظاهر (ع)
.
#زبدةالاشعار
.
: @nohe_torki
.
#سبک_علی_جان_بالا_لبیک
مشابه
.
رضوی زنجانی
.
اولوب قانینه غلطان حبیب ابن مظاهر
یاراسیندان آخور قان حبیب ابن مظاهر
.
.
دیدی ای شه والا حسین جان یارالاندیم
یتیش دادیمه مولا قیزیل قانه بویاندیم
لبِ تشنه وی گوردوم خیَمده چوخ اوتاندیم
ائدیر جان سنه قربان حبیب ابن مظاهر
.
.
فدای او لبن خوار علی اصغریوم من
جهانه بودی فخریم غلام دریوم من
قبول ائتسن حسین جان قوجا نوکریوم من
قدومین اؤپَر هر آن حبیب ابن مظاهر
.
.
سنون منتظریندی بو روحیم ائده پرواز
قالوبدی گوزی یولدا حسین جان قوجا سرباز
ائدم بیرده زیارت جهانه ائدرم ناز
یوزون گورسه وئرر جان حبیب ابن مظاهر
.
.
دگیب اوخ بدنیمدن آخور سو کیمی قانیم
سنون بیر باخیشیوا فدا بو تن و جانیم
گل ای روح روانیم گل ای تاب و توانیم
گئدور جدّیوه مهمان حبیب ابن مظاهر
.
.
بو یولدا آقا، یاره منه شهد و عسلدی
الینده سو پیمبر باشیم اوستونه گلدی
اگر سنده گلن تئز باشیم اوسته گوزلدی
تاپار رتبۀ شایان حبیب ابن مظاهر
.
.
حسین گلدی باش اوسته باشین آلدی دیز اوسته
وجودینده گوروبدی وار اوخ دسته به دسته
دئدی گوزلریوی آچ همان عاشق مسته
فدای رهِ جانان حبیب ابن مظاهر
.
.
حسین گوردی حبیبون باتوب قانه جمالی
تاپوب رتبه ده امّا حبیب حدّ کمالی
ویروب سینه ی عشقه او دم عشق مدالی
اولوبدی شهه دربان حبیب ابن مظاهر
.
.
آچوب گوزلرین اُول دم یوزون گوردی حسینون
سلام ایلدی اوّل گوروب نور دو عینون
او دم اشگینی جاری امام ثقلینون
گوروب اولدی پریشان حبیب ابن مظاهر
.
.
دیدی ای شه دوران او گوزیاشیوه قربان
گوزی یاشلی گورنمز سنی بو قوجا دربان
گرک من سنه الآن ائدم ناله و افغان
سنی ترک ائدیر الآن حبیب ابن مظاهر
.
.
#حبیب_ابن_مظاهر #رضوی_زنجانی
#اصحاب_الحسین
#اولوب_قانینه_غلطان_حبیب_ابن_مظاهر
#ترکی
.
#زبدةالاشعار
.
: @nohe_torki
نظر دهید