اوچ گوندی علی ترک ائلیوب دار فنانی #حیدریه_محمدی_ناعم

روز سوم شهادت حضرت علی (ع)
#گریز به #دفن_شهدا و بدن مبارک امام حسین (ع)
–
زبدة الاشعار

?: @nohe_torki
–
محمدرضا محمدی (ناعم)
–
اوچ گوندی علی ترک ائلیوب دار فنانی
اوچ گوندی یاتوب قبریده مصداق معانی
–
اوچ گوندی حسن یاسه باتوب غرق اَلَمدی
اوچ گوندی حسینون غمی بیحدّ و رقمدی
–
اوچ گوندی اولوب زینب مظلومه عزادار
سسلور باباجان غملرووه، زینبون آغلار
–
اوچ گوندی سولوب باغ وفا، گلشن احساس
اوچ گوندی دیور نوحه ویرور باشینه عباس
–
اوچ گوندی اولوب کوفه نون ایتامی سیه پوش
اوچ گوندی ائدور قان هاموسی، صود یرینه نوش
–
اوچ گوندی باتیب مهر فروزان شرافت
اوچ گوندی سینوب قائمه ی عرش عدالت
–
اوچ گوندی یوموب گوزلرینی ناطق قرآن
اوچ گوندی اولوب فاطمیه عدنیده مهمان
–
اوچ گوندی بلی قانه باتیب هیکل تقوا
گونلر قاباقیندا بدنی قالمییوب اما
–
کافور بهشتیله اولوب جسمی معطّر
اجلال تمامیله اولوب دفن او سرور
–
اما یادیما دوشدی گینه غصه لی جریان
جسمی یارالی، گون قاباقیندا شه عطشان
–
نه غسل اولونوب، کفن اولونوب نه او فلک جاه
تاخیره قالوب دفنی، ایا امّت آگاه
–
بیرمحنتی وار، ایلوراثر خُرد و کبیره
سجاد آقا بوکدی بدنین کهنه حصیره
–
آغلار گوزیله قبره قویوب اوغلی آتاسین
گویلرده قوروبدورآناسی بزم عزاسین
–
شاهون سینه سی اوسته یاتوب نازیله اصغر
دفن اولدی ایاق آلتدا صورا پیکر اکبر
–
« #ناعم » سوزه وئر خاتمه، مجمل قالا مطلب
محشرده وئرر اجرووی زهرا قیزی زینب
–

#حیدریه_شهادت
#حیدریه
#اوچ_گوندی_علی_ترک_ائلیوب_دار_فنانی
#محمدی_ناعم
#ترکی
–
#زبدةالاشعار

?: @nohe_torki