اویان یاتما ای سپهداریم دور آدامسیزدی قارداشون قارداش #عباسیه_آسال_اردبیلی

شهادت حضرت ابوالفضل العباس علیه السلام
.
زبدة الاشعار

?: @nohe_torki
.
سبک :: شبانگاهان…
.
کربلایی نوید آسال اردبیلی
.
اویان یاتما ای سپهداریم
دور آدامسیزدی قارداشون قارداش
گوزون آچ باخ قانلی میداندا
گورنه یالقوزدی قارداشون قارداش
.
علم یاتدی دور علمداریم
بلیم سیندی یاتما سرداریم
( جان ابالفضلیم ) (2 )
.
.
.

بابام حیدر اوپدوگی گوزدن
دشت ماتمده سانجیلوب پیکان
عمود آهن باشووه دگدی
تله سس گلدی من دیدیم جان جان
قولوندان سو تک آخان قانه
قارداش آواره قارداشون قربان
.
منه بوردا ال چالان چوخدی
اویان یاتما بیر کسیم یوخدی
( جان ابالفضلیم ) (2 )
.
.
.

سوسوزلیقدان خیمه گاهیمده
نازلی بلبل لر دوشدولر دلدن
نجه آیا قورتاروم سن دِئ
کربلاده بو امر مشکل دن
نجه قیزلاره دیوم آیا
باوفا سقا آیریلور ائلدن
.
عطشدن دای جان ویرور اصغر
رقیم سقا یولون گوزلر
( جان ابالفضلیم ) (2 )
.
.
.

باتاندان قانه بو گول جسمون
مونس ناله یار آهم دور
سپهسالارم ولی اعدا –
نون آراسیندا بی سپاهم دور
هامی درده چارییم اما
گورنه بو چولده بی پناهم دور
.
باتوب قانه لشکریم یاتما
اسور غمدن پیکریم یاتما
( جان ابالفضلیم ) (2 )
.
.
.

ایا ای ماه بنی هاشم نهرین
اوستونده آی کیمین باتما
منیم سن بیل فاطمه جانی
قانلی صحراده داشیمی آتما
منی بو لشکر قباقینده
حیدره خاطر بیله آغلاتما
.
بو درده یوخ طاقتیم قارداش
کیچوب حددن محنتیم قارداش
( جان ابالفضلیم ) (2 )
.
.
.

باتاندا قانه علی اکبر
باشیمه ویردیم گول کیمین سولدوم
سنی گوردوم باشیمون اوسته
دردیم اسکیلدی شادمان اولدوم
سنی بو حالدا ولی گورجک
قلبیم اوتلاندی ابرتک دولدوم
.
منیم ای انور جمالیم دور
داغیلدی جاه و جلالیم دور
( جان ابالفضلیم ) (2 )
.
.
.

باشون اوسته باشینی آچان
قلب طاهادی عالمینه شه
ائشیتدیم آلمیشدی آغوشه
باشووی زهرا ای منور مه
او آغوشین حسرتینده من
اللی ایل یاندیم بختووه به به
.
بیله بیر احسانه اولماز تای
سنه چالدی فاطمه لایلای
( جان ابالفضلیم ) (2 )
.
.
.
#سبک_شبانگاهان
.

#عباسیه_شهادت
#اویان_یاتما_ای_سپهداریم
#آسال_اردبیلی
#ترکی
.
#زبدةالاشعار

?: @nohe_torki