زبدةالاشعار

او بلبلم که جهاندا چمنسیزم زهرا #فاطمیه_شمس_شاب_تبریزی

شهادت حضرت زهرا (س)
.
✍️ زبدة الاشعار ✍️
.
🆔: @nohe_torki
.
#شمس_شاب_تبریزی
.
او بلبلم که جهاندا چمنسیزم زهرا
خزان اولوبدی بهاریم سمنسیزم زهرا
.
.
ازلده دست طبیعت بو امری اولدوردی
گلیله دوقوز ایلی گلشنیمی دولدوردی
ولی خزان یلی اسدی گلومی سولدوردی
سزادی ایمدی دئسم یاسمنسیزم زهرا
.
.
وروبدی زخم دل مرتضایه دهر نمک
منیم دونرگمی دوندردی دورچرخ فلک
نگین خاتم عمروم منیم سلیمان تک
اولوب فنا دئمه کی اهرمنسیزم زهرا
.
.
آتان پیمبره مشتاقیدی اویس قرن
آتاوا بنزریدین بس اویسیدیم سنه من
جهانی ترک ایلین گوندن ای عزیز یمن
اویس تک چوله دوشدوم قرنسیزم زهرا
.
.
گیدنده منزله عالمجه یوز ویرور منه غم
گلنده قبریوه ایوده قالور خیالیم اودم
بو وسعتیله منه تنگ اولوبدی بو عالم
منم او پیر کی بیت الحزنسیزم زهرا
.
.
عروق عشقیده سیاله گرم قانیدوخ
دییر منیت علی حرفی هم زبانیدوخ
سنیله من ایکی قالبده بیر روانیدوخ
اودور کی سن گیده لی منده منسیزم زهرا
.
.
خم غمونده علی رنگ محنته بویانار
دوشنده یادینه سن خواب نازیدن اویانار
بو عاشقانه سوزی کیم ایشیتسه قلبی یانار
قسم محبته من ایله سنسیزم زهرا
.
.
فدک قباله سینی خصمیدن آلان گوندن
یولوی تنگ گذرگاهیدن سالان گوندن
حسن دانیشمیری سن محنته قالان گوندن
دئسم غلط دگی الحق حسنسیزم زهرا
.
.
حسین و زینبیمون سخت اولوب عجب کاری
اورک یانور اولار اولدوقجا غم گرفتاری
بو باجی قارداش ایله درک ایدیلله اسراری
بیری سو سویلر اوبیرسی کفنسیزم زهرا

.
#فاطمیه_شهادت
#اوبلبلم_که_جهاندا_چمنسیزم_زهرا
#ترکی
.
✍️ #زبدةالاشعار ✍️
.
🆔: @nohe_torki

نظر دهید

جستجو در نام شاعر یا مناسبت

Search

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search

دسته بندی درختی

دسته بندی درختی

Generic filters
Exact matches only
Filter by Custom Post Type

More results...

Generic filters

Filter by Custom Post Type

نتایج بیشتر ...