حالات حضرت زهرا (س) (1)
..
..
..
..
مرحوم شهاب تبریزی
..
..
..
..
او ساعت اولدی او خیبر شکن امامه چتین
که چخدی صحنده گوردی یخوبلا زهرانی
..
باتوب قابورقا ایدوب یاره سینه سین مسمار
آخوبدی سینه سینه سو کیمی قزیل قانی
..
اولوبدی ردّ باشندان دوشوبدی چادر شب
چو یاسمن داغلوب سنبل پریشانی
..
عباسنی گوتوروب فوراً أوستونه سالدى
ایدوب عبایله مستور او ماه سیمانی
..
گلور خیالمه بیر سوز علی ولی الله
گرک بیان ایلیم یوخ محل کتمانی
..
گیدنده غارته کرب و بلاده معجرلر
سبب ندور که گلوب گورمدون او نالانی
..
گتورمدون بیر عبا زینبون سالا باشنا
الى یوزونده او دم که گزردی میدانی
..
گھی علی چاغیروب گه دیردی یا جدّا
گهی سکینه نی سسلردی گاه لیلانی
گھی قاچاردی چوله آختاروردی فاطمه نی
تاپاردی خاکله یکسان او قدّ رعنانی
..
باشین آلوب دیزینه زلفنون سیلوب توزونی
توکردی ابر کیمی اشک چشم گریانی
..
توجّه ایلسه بو نوکری شهابه اگر
تعاقب ایتماقا واردور یری بو عنوانی
..
..
..
..
(1) متن کامل این اثر با مصرع اول «گلوب تموجه دریای فیض رحمانی» با موضوع غدیریه
..
..
..
#فاطمیه #شهاب_تبریزی #فاطمیه_شهادت #ترکی #زبدةالاشعار
نظر دهید