زبدةالاشعار

اگردوشسه یولوم ملک خراسانه خراسانه #رضویه_محمدی_ناعم

مدح حضرت امام رضا علیه السلام
.
✍️ زبدة الاشعار ✍️
.
🆔: @nohe_torki
.
محمد رضا محمدی ( ناعم )
.
اگردوشسه یولوم ملک خراسانه خراسانه
سیخیلّام کوی دلداره ذلیلانه ذلیلانه
.
اوره ک دردین دیوب شاهه توکوب گوزیاشی یالوارّام
چکر اَل باشیمه مولا،طبیبانه طبیبانه
.
رضانون قبرینون گَردی طلادن باشدی ،نامردم
اگرویرسم اونی ملک سلیمانه سلیمانه
.
دولانّام باشینه والله گویرچینلر کیمی منده
نظرایلررضامرغِ نواخوانه نواخوانه
.
ملکلرگورسدراوندامنی شاهنشهِ طوسه
گلوبدوربیرنفرسائل فقیرانه فقیرانه
.
جمال ضامن آهو چکریوسفلری بنده
سالارمین یوسفی چاه زنخدانه زنخدانه
.
قالارحیرتده حاتملر بو مولانون سخاسیندن
ائده ر مین حاتمه احسان کریمانه کریمانه
.
یهودی ده بومولادن آلورچاره مسیحی ده
دیور درگاهینه دنیا،کَرَمخانه کَرَمخانه
.
رضاجان بیرنظرایله وطنده چوخ غریبم من
یتوب بیحدسنون لطفون بونالانه بونالانه
.
بوبیرخوش رسمیدورمولا،ئولنده هاردابیرنوکر
گلر شه باشینون اوسته ملوکانه ملوکانه
.
وفالی نوکرم منده قبول ائتسون اگر مولا
واریمدورعمده بیرخواهش،حقیرانه حقیرانه
.
یتنده جان دوداقیمه آقاگل باشیمون اوسته
گوزوم دوشسون اوسیمای درخشانه درخشانه
.
اگرگلسون اوساعت که قویولّار جسمیمی قبره
دونر قبریم ائوی یکسر،گلستانه گلستانه
.
غمین اولما،هراس ائتمه حساب حشریدن “ناعم”
رضامحشرده لطف ایلر،ضعیفانه ضعیفانه
.
.
.
#رضویه_مدح
#اگر_دوشسه_یولوم_ملک_خراسانه_خراسانه
#ترکی
.
✍️ #زبدةالاشعار ✍️
.
🆔: @nohe_torki

نظر دهید

جستجو در نام شاعر یا مناسبت

Search

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search

دسته بندی درختی

دسته بندی درختی

Generic filters
Exact matches only
Filter by Custom Post Type

More results...

Generic filters

Filter by Custom Post Type

نتایج بیشتر ...