ایتورمیشم یولی بابا بویور گوروم هایانداسان #شام_غریبان_غفاری_زنجانی

شام غریبان
..
..
..
#سبک_دل_شب_ایلیوب_سفر … (4 سبک سینه و زنجیر)
سبکهای مشابه دیگر (با اضافه کردن واگیر) #سبک_الهی_دفن_ایدیم_نجه … #سبک_الهی_غملی_کوفه_نون … #سبک_تا_مشکتو_تو_آب_زدی … #سبک_حسین_دوشوبدی_مقتله …
..
..
..
..
حاج اکبر غفاری زنجانی
..
..
..
..
..
ایتورمیشم یولی بابا بویور گوروم هایانداسان
سنه بوگوزلریم فدا بویور گوروم هایانداسان
..
..
..
..
..
گوزومی اشک غم دوتور گورنمورم قباقیمی
ز بسکه تتریور دیزیم آتانمورام ایاقیمی
یوبانسامایندی یولدا چوخ بیبیم دوتار سراغیمی
گزر منی او باوفا بویور گوروم هایانداسان
..
..
..
..
..
بیر اولدوزام که ایستورم آخام من آی باتان یره
آخام گیدم چاتام بو گون آییم گونوم چاتان یره
بابا تاپانمورام یولی گلم او سن یاتان یره
قتیل قوم اشقیا بویور گوروم هایانداسان
..
..
..
..
..
ایدوم نه چاره آی بابا سن اولماسان یاتانمورام
وصال وعده سین داخی بو قلبدن آتانمورام
او وعده ویردگون یره قاچوب گلوب چاتانمورم
غریب ،ئوزوم غم آشنا، بویور گوروم هایانداسان
..
..
..
..
..
منی سالوبدی وحشته بابا گونوزکی منظره
اوگوندوزون قیامتی سالوبدی خوف دللره
الاندا تترورم بابا قسم او جان اکبره
زبسکه گورموشم بلا ، بویور گوروم هایانداسان
..
..
..
..
..
اوجادان آغلیانمورام بیلر دوباره دشمنیم
سالار گنه دوباره دن منی فشاره دشمنیم
دوباره سیلی ویرماسون بو گلعذاره دشمنیم
گلر او شمر بیحیا بویور گوروم هایانداسان
..
..
..
..
..
اودور گوتورّم ایندی من قدم یواش یواش بابا
بودور نظر که مقتله گلم یواش یواش بابا
سینوندا چوخدی اوخ سنون درم یواش یواش بابا
بو گوزیاشین ایدم دوا بویور گورورم هایانداسان
..
..
..
..
..
دعا ایله نصیب اولا منه بو دم زیارتین
اوپم دوباره اللرون، گورم او بزم خلوتین
سنه حکایت ایلیم او غارتین قیامتین
نقدر گوردوم ابتلا بویور گوروم هایانداسان
..
..
..
..
..
گرک گلوب نشان ویرم سنه بورخت قاره می
ویرم نشان باشمداکی اولان بو قمچی یاره می
ویرا ویرا چخاتدولار قولاقدا گوشواره می
بیزه ایدوبله چوخ جفا بویور گوروم هایانداسان
..
..
..
..
..
هایاندادور عموم گیدم اونا شکایت ایلیم
بو باشیمون قیامتین دیوب حکایت ایلیم
او آشنای حقدن من استعانت ایلیم
دیم سنه ئوزوم فدا بویور گورورم هایانداسان
..
..
..
..
..
منی ویراندا کوفیان ندن هرایه گلمدون
ندن ئوزون یتورمدون او ماجرایه گلمدون
عمو حمایت ایتماقا بو مبتلایه گلمدون
سنه دیلّه باوفا، بویور گوروم هایانداسان