ایستیوب باجی منی بزم حریمه لم یزل #ورود_کربلا_کاتب_اردبیلی

ورود به کربلا
زبانحال امام حسین (ع) با حضرت زینب (س)
.
#زبدةالاشعار
.
: @nohe_torki
.
#سبک_زینبم_جان_اوستیم … 4 سبک
.
مرحوم کاتب اردبیلی
.
ایستیوب باجی منی بزم حریمه لم یزل
پاره پاره جسمیله تا اولمیا نه باش نه آل
.
.
من ازل گون ائتمیشم هر محنت ظلمی قبول
ائتمرم شکوه اگر هر ظلم ائده قوم جهول
بو سببدن قیلمیشام من بو دیار ایچره نزول
روز ازّلدن بیزه بو سرزمین اولموش محل
.
.
جمع اولوبلار بو یره نمرودیان تک کوفیان
منجنیق ظلم تک برپا اولوب نوک سنان
قتلیمه آماده دور نمرود تک شمر و سنان
وار خیالی اونلارون سالسونا ایمانه خلل
.
.
آدلارین امت قویوبلار جدیمه قوم عدو
وئرمیورلر عترت پیغمبره بیر جرعه سو
بو قدر ظلمی که ایلر بو گروه کینه جو
بیر بئله ظلم ائتمیوب بیر کیمسیه سایر ملل
.
بیر طرف جاری اولور باجی فرات بیوفا
بیر طرفده سربه سر لب تشنه دور آل عبا
بیر طرفده هلهله ایلر سپاه اشقیا
تا ایده یوزمین نفر من بینوائیله جدل
.
.
گلمز عشق اهلی دیله هر درد و رنج عشقده
صبر ائدر هر محنته دایم شکنج عشقده
گوهر مقصود اولور باجی بو کنج عشقده
تاپمارام بو دولتی نوش ائتمیشم جام اجل
.
.
یخدیلار میدان ایچینده ظلمیله عباسیمی
بیر طرفده اکبری بیر یاندا نعش قاسمی
من ئولنده خوار ائدللر قوم کافر یاسیمی
عترتی قویماز دویونجا آغلیا شمر دغل
.
.
یدی ضربتله گرکدور حنجریم منحور اولا
جان وئرم لب تشنه من گل پیکریمده عور اولا
نیزۀ اعداده باشیم گون کیمی مشهور اولا
تا گرک اولسون اجابت عهد میثاق ازل
.
.
کاتب نالانووَم من ای امام تشنه کام
اسم پاکوندور دلیمده ازبریم هر صبح شام
هر ایکی دنیا بیزه سندن اولور حاصل مرام
عرصۀ محشرده سن سن عفو عصیانه علل
.
.
.
#ایستیوب_باجی_منی_بزم_حریمه_لم_یزل
#ترکی
.
#زبدةالاشعار
.
: @nohe_torki