ایله مستم بیلمزم کیم، می نه دیر، مینا ندیر #ایله_مستم_نباتی

#ایله_مستم
از «سید ابوالقاسم #نباتی »-« #ملامحمدفضولی »-« #دخیل ( #قتلگاه ) »-« #شاکی_قفقازی ( #قتلگاه ) »
.
سید ابوالقاسم نباتی
.
ایله مستم بیلمزم کیم، می نه دیر، مینا ندیر!
گول ندیر، بولبول ندیر، سونبول ندیر، صحرا ندیر!
.
اود دوتوب جانیم سراسر یاندی، اما بیلمدیم
دیل ندیر، دلبر ندیر، باشیمدا بو سئودا ندیر؟
.
بیلمدیم عمرومده هئچ بیر کفر و ایمان هانسی دیر،
احمد محمود کیمدیر، موسی و عیسی ندیر؟
.
شاهباز اؤوج وحدت، واحد و حیّ و قدیم،
خالق ارض و سما اُول فرد و بی همتا ندیر؟
.
صدر ایوان جلالت، شمع بزم کائنات،
آفتاب ارش عزّت «لافتا الّا» ندیر!
.
طورحاتی قوی کناره، رقصه گل دیوانه وار،
گل، خرابات ایچره گؤر بو شورش و غوغا ندیر!
.
دُرد صافی گؤزله مک واختی دئییل، ساقی، آمان!
شیشه وئر، پیمانه وئر، ساغر ندیر، صهبا ندیر!
.
دور، گؤزون قوربانیام، مستانه گل، رندانه وئر،
چوخ دئمه جمشید دن، اسکندر و دارا ندیر!
.
لؤوحش لله، کیمدی بیلمم، عشق دیوانین یازان،
عاشق و معشوق کیم دیر، وامق و عذرا ندیر!
.
شاهد خلوت نیشینیم ائتدی رخسارین عیان،
عاشق دیوانه، گل گؤر ظاهر و اخفا ندیر!
.
یئتدی عمرون آخیره، سن بیر،«نباتی» ، بیلمدین،
کیمدی بو گؤزدن باخان، یا دیلده بو گویا ندیر؟
.
#غزل #پندیات_ایله_مستم_نباتی #ایله_مستم_ملامحمدفضولی #ایله_مستم_دخیل #ایله_مستم_شاکی_قفقازی
#ایله_مستم_بیلمزم_کیم_می_نه_دیر_مینا_ندیر
#ترکی
.
.