ایله مشتاق وصالم بیلمیرم دنیا ندور #حسینیه_شاکی_قفقازی

#عاشورا_گونی #ایله_مستم
زبانحال امام حسین علیه السلام در صبح عاشورا
سوال و جواب
.
.
زبانحال امام حسین (ع) به حضرت زینب (س)
#ایله_مشتاق_وصالم_بیلمیرم_دنیا_ندور
زبانحال حضرت زینب (س) به امام حسین (ع)
#ای_حسینیم_سویله_سن_بو_شورش_و_غوغا_ندور
.
.
مرحوم شاکی قفقازی
.
.
ایله مشتاق وصالم بیلمیرم دنیا ندور
غم ندور، محنت ندور، باشیمدا بو غوغا ندور
.
.
عالم تَجریدیده صَهبای غم نوش ائتموشم
بو علایقدن اوزوم بالمرّه مدهوش ائتموشم
ملک ومال و خانمانی هم فراموش ائتموشم
بیلمیرم بو نشئه ده دنیا و مافیها ندور
.
.
گرچه خلقه علّتِ غائی وجودیمدور منیم
ترک قیلماق بو وجودی اصل جودیمدور منیم
عین طاقت قبلۀ عشقه سجودیمدور منیم
مسجد و محراب و منبر، گوشۀ صحرا ندور
.
.
ما سِوَی الله شوقینی قلبیمدن اخراج ائیلرم
عالمِ ناسوتیدن لاهوته معراج ائیلرم
حق یولوندا ملک جسم و جانی تاراج ائیلرم
عاشقِ معشوق بیلمز سر ندور سودا ندور
.
.
کربلا طوروندا من اِدراک انوار ایسترم
لُمعۀ نور تجلّای رخ یار ایسترم
لَن تَرانی عالمینده وصل دلدار ایسترم
مخفی عشق اولمازمحبّت «لَنْ» ندور«لَمّا» ندور
.
.
درک انوار ایچره مدهوش اولمارام موسی کیمی
ظلم الیندن آسمانه گئتمرم عیسی کیمی
ترک قیلّام جسم و جانی حضرت یحیی کیمی
قاب قوسین عالمی عیسی ندور موسی ندور
.
.
طور سینای شهادت کربلا دشتینده دور
بو شهادتده سعادت کربلا دشتینده دور
عهد و میثاق و امانت کربلا دشتینده دور
عالمِ انوار دور موسی ید بیضا ندور
.
.
بو جفالردن یتیشمز قلبیمه گرد ملال
#صبح_عاشورادی یتموبدور هله وقت زوال
اول سببدن انتظارم تا گؤرم بزم وصال
بیلمرم حنجر ندور،خنجر ندور،اعدا ندور
.
.
گر چَکم یوز محنت و غم عین راحت دور منه
کربلا دردو ملالی عیش و عشرت دور منه
چکدیقیم درد و مصیبت ذوق و لذّت دور منه
لذّت جاوید خوشدور، لذّتِ بیجا ندور
.
.
حالتِ کربُبَلا غوغاسی شورانگیز دور
قصّۀ پرغصّه، احوال ملال آمیز دور
مختصر قیل #شاکیا طوفانِ محشرخیز دور
کیم گؤره بو حشری، بیلمز محشر کبری ندور
.
.
.
#عاشورا
#حسینیه_وداع
#حسینیه_شهادت #ایله_مستم_شاکی_قفقازی
#ایله_مشتاق_وصالم_بیلمیرم_دنیا_ندور
#شاکی_قفقازی
#ترکی
.