ای آنام زهرا نشانی گئتمه من چوللرده قالدیم #راه_شام_فصیحی

راه شام
..
..
..
..
فصیحی زاد
..
..
..
..
ای آنام زهرا نشانی گئتمه من چوللرده قالدیم
ساخلا غملی کاروانی گئتمه من چوللرده قالدیم
..
..
..
..
غملیم غم یولداشیمدی داغلی قلبیمده سؤزوم وار
یاد ائدوب محنتلریمدن آغلارام آغلار گوزوم وار
اول زماندان که اسیرم نه گئجه نه گوندوزوم وار
اولمورام راحت بیر آنی گئتمه من چوللرده قالدیم
..
..
..
..
شاهزاده بیر قیزام من قورخی آرامیم آلوبدی
ایلیوب حالیم دگرگون اوزگه حالاته سالوبدی
اللریم قوینومدا حسرت گوزلریم یولدا قالوبدی
گل آپار غملی بالانی گئتمه من چوللرده قالدیم
..
..
..
..
سن منی گوزدن بو نوعی هیچ زمان آتمازدون عمه
قلبیمون قانین گوزومده گوز یاشا قاتمازدون عمه
چوخ گئجه من یاتمینجان سن اوزون یاتمازدون عمه
آتما من بی خانمانی گئتمه من چوللرده قالدیم
..
..
..
..
کوچ ائدوب سرعتله گئتدی شهر شامه کاروانیم
یوخ اولان حالیمدن حالی نیلیوم ای مهربانیم
قالمیشام صحراده تنها بیر سنه واردور گمانیم
ای بو زارون پاسبانی گئتمه من چوللرده قالدیم
..
..
..
..
ساربانیم مردِ جانی من اونا هاردان حریفم
آج سوسوز ایستی هواده گزمیشم زار و نحیفم
چوخ دوگوب چوخ اینجیدوبلر یورقونام جاندان ضعیفم
یاده سال گول تک سولانی گئتمه من چوللرده قالدیم
..
..
..
..
اولمادون آگه غمیمدن دلده قویما غملریم گل
قویمیشام وحشتدن آخر سینه م اوسته اللریم گل
ساربان سیلی ویراندا پارچالاندی لبلریم گل
قطره قطره آخدی قانی گئتمه من چوللرده قالدیم
..
..
..
..
چول تیکانلوق پا پیاده من اؤزوم اوچ یاشدا نیلوم
قاچمیشام یورقون بدنلی قورخولی داغ داشدا نیلوم
دلده وار خوف و هراسیم قالمیشام ال باشدا نیلوم
قلبیمون یوخدور توانی گئتمه من چوللرده قالدیم
..
..
..
..
محمل اوسته آغلیاندا ساربانیم مانع اولدی
اشگ عذاره باغلیاندا ساربانیم مانع اولدی
اکبره یاس ساخلیاندا ساربانیم مانع اولدی
قویمادی راحت بیر آنی گئتمه من چوللرده قالدیم
..
..
..
..
گلدی الده تازیانه اختیاریم الدن آلدى
ائتمدی رحم و مروّت ناقه دن تپراقه سالدی
چوخ دگوب گئتدی ولیکن بو رقیّون چولده قالدی
درک ائله بو بینوانی گئتمه من چوللرده قالدیم
..
..
..
..
خصم دین جور و ستملن نینوانی دولدوروبلار
بس دگول آل عبانون گلستانین سولدوروبلار
گاهی سیلی گاهی قمچی من اسیره چوخ ویروبلار
شیونیم داغلار جهانی گئتمه من چوللرده قالدیم
..
..
..
..
باخمادی ظالم صغیرم عاجزم یوخدور گناهیم
بیکسم طفلم یتیمم وار اورکده سوز آهیم
یوخ آتا قارداش غریبم یالقوزام نه وار پناهیم
گل آپار یولدا قالانی گئتمه من چوللرده قالدیم
..
..
..
..
هر کیمون ئولسه آتاسی مجلس ماتم قورالّار
اهل عیالی آغلاشالّار بوینی چگنینده دورالّار
یاسلینون هاردا ای عمه باشینه قمچی ویرالّار
اوج ائدر عرشه فغانی گئتمه من چوللرده قالدیم
..
..
..
..
#راه_شام #فصیحی #ترکی #زبدةالاشعار