مدح حضرت امام رضا(ع)
.
زبدة الاشعار
.
: @nohe_torki
.
مرحوم حصنی خویی
.
ای ارض طوس اشرف و ای محترم دیار
غبطه ایدر مقامیوی فردوس بی شمار
.
اول خاک پاکی فخریله مانند توتیا
کحل البصرایدوبدیله حوریلر انحصار
.
آیینۀ خیال تاپوب بسکه انجلا
معکوس اولارخیالیده اول نازنین مزار
.
مخزن قرار ویردی سنی لطف خاصیله
بیرجوهرعدیم مثاله او کردگار
.
یعنی وجود اکرم و مسعود انوری
شمس الشموس امام رضا مدفنی قرار
.
ای وارث علوم نبی ایّها الرّضا
ای معدن سخاوت و ای شاه تاجدار
.
ای منبع فیوض کرامات معنوی
فرمانیوه زمین و سماوات خاکسار
.
شمس منیر هرگونی اوّل طلوعیده
بوس ایلرآستانیوی ای مهربان نگار
.
بیرقطره دوربو وصف او بحرمحیطیدن
چون امربی نهایته احسندور اختصار
.
چون غربیدن هلال، امید وصالیله
مقرون اولار او درگهه بدرتمام اولار
.
هرکیمسه باب رحمتیوه دوشمیوب دخیل
روزجزاده حسرته ناچار اولار دچار
.
مغبون اولاراو کس که سیزه خادم اولمیوب
چون خدمتوزده مجمع فیض و کمال وار
.
بلمم نه اعتقادیله مأمون بیحیا
ایلوب جفاسینی سنه واضح او کین شعار
.
مصباح نور انوری خاموش ایتماقا
صرف ایلیوبدی فکرینی هرلیل و هرنهار
.
چاره بلوبدی زهریله قتل امامی او
انگور خوشه سین ویره یا دانۀ انار
.
صرف ایلدون بو عمری معاصیده #حصنیا
چارن ندور جزا گونی رد اولسا اعتذار
.
#رضویه_مدح
#ای_ارض_طوس_اشرف_و_ای_محترم_دیار
#حصنی_خویی
#ترکی
.
#زبدةالاشعار
.
: @nohe_torki
نظر دهید