در وصف ومصیبت حضرت اباعبدالله الحسین (ع)
..
..
..
..
اصغر مجرد اردبیلی
..
..
..
..
ای امید هر دو عالم، یار مظلومان حسین
وی قتیل خنجر و ای مظهر یزدان حسین
..
..
ای شه کرب و بلا سر منشأ برهان حسین
صاحب دریا، سووا دارا، اوزی عطشان حسین
..
..
..
..
ای کیچن اهل و عیالیندن حقه امداد ایدن
ای کسوک باشی نصارا منزلین آباد ایدن
لطفیلن غیض خدادن، فطرسی آزاد ایدن
ای گوزل قانی، هامی درد اهلینه درمان حسین
..
..
..
..
ای قانی الله قانی، مقصودی حق گفتاری حق
اُسکُتولن ایلین عدوانیدن صلب رمق
ای سنه لبیک گو امداد ایدن ربّ الفلق
ای غمونده آغلیان صاحب زمان هران حسین
..
..
..
..
ای ایدن گودالیده اللهیلن رازو نیاز
ای آلان آخر زمانینده قانیلن دستماز
ای ایدن دین مبینی حشر اولونجا سرفراز
آیۀ فتح المبینی شأنینه شایان حسین
..
..
..
..
ای یارالی جسمیلن قیسی خطردن قورتاران
ای شهیدان حقه هم سیّد و مولا اولان
ای اولان غارت لباسی پیکری عریان قالان
ای قالان دشت بلاده بی سر و سامان حسین
..
..
..
..
غیظیلن بیر دم سماواته اگر سالسون نظر
اود یاغار، باران رحمتدن گورونمز بیر اثر
گردش عالم مداریندن چیخوب برهم ییر
ای مدار عالمینه باعث میزان حسین
..
..
..
..
لطفیلن ایتسون نظاره صحنۀ آفاقه سن
جنّته بنزر بو عالم ای امام ممتحن
نا امید اولماز یقین بو درگه پاکه گلن
ای امید نُه سما، وى مظهر ایمان حسین
..
..
..
..
زینب بیچاره نون قلبینی شان شان ایلدون
قتلوه گلدی یهودی سن مسلمان ایلدون
جان ویروب جانانوه احیاء قرآن ایلدون
یاره لردن گل آچوب اول صحنۀ میدان حسین
..
..
..
..
قوم اعدا قطعه قطعه دوغرادی گل پیکرون
حق یولوندا کسدیلر آخر بیلکدن اللرون
اكبرون قانه بویاندی دوغرانوب سرلشگرون
ای شجاعت صحنه سینده نقطۀ پایان حسین
..
..
..
..
ظلم اعدادن دوتولدی گون قرا گییدی هوا
سؤیلدی جمله ملائک صبریوه صد مرحبا
مفتخر اولدی وجودوندن سنون آل عبا
گلدی جدّ أطهرون اولدی سنه مهمان حسین
..
..
..
..
شیعه نون جانی فدا اولسون او قانلی گوزلره
تل به تل گیسولری قانه بویانمش اكبره
اوچ پر اوخلان ذبح اولونموش آلتی آیلق اصغره
بیر کبوتردور که طیر ایتدی سوی جانان حسین
..
..
..
..
سالدی دشمن اول زمانیکه سنی آوازه دن
چیخمشیدی پیکرون قرآن کیمی شیرازه دن
آلنووا بیر یاره دگدی قانه باتدون تازه دن
گوزلرون تار اولدی دولدی لخته لخته قان حسین
..
..
..
..
بادۀ حقى شهامتلن حسین نوش ایلدون
اهل بیت و عترتون یکسر فراموش ایلدون
زینبون قلبین مصیبات و غمه توش ایلدون
جان ویروب جانانه احیاء ایلدون قران حسین
..
..
..
..
قتلگهده سن که یاتموشدون یارالی حالیلن
عترتون درگیریدی اول فرقۀ قتّالیلن
زینبون قالمیشدی ویلان بیر بولوک اطفالیلن
ظلم اودیلان خیمه لر اولموشدی چون سوزان حسین
..
..
..
..
بیر دیین اولمادی اول وقته سران کوفیه
قورخولی قیزلاری مرجان تک چوله سپدوز نیه
قتلگاهه ویرمیون یول اول یارالی گورمیه
باغلیوب گرچه خدائیلن بیله پیمان حسین
..
..
..
..
آند ویرّم من سنی زینب یانان محنتلره
قطعه قطعه دوغرانان جسمِ علیّ اکبره
گور نجه اولموش هدف قلب «مجرد» غملره
قیل روا حاجاتینی ای منبع احسان حسین
..
..
..
..
#حسینیه #مجرد_اردبیلی #حسینیه_شهادت #ترکی #زبدةالاشعار #حسینیه_مدح
زبدة الاشعار 
: @nohe_torki . مرحوم غمکش . تلّین اوستونده ابوالفضل سسینی آلدی حسین ئوز قویوب علقمه اول فاطمیه نور دو عین دالیسیجاق ائلدی زینب اونون شیون و شین گلدی قارداش باشینی قارداشیبیشتر
نظر دهید