ای اهل دین و تقوا چاتدی باشا اورجلوق #رمضانیه_وداع #سیدی_زنجانی

وداع با ماه مبارک رمضان
.
#زبدةالاشعار
.
: @nohe_torki
.
سید باقر سادات پور
.
ای اهل دین و تقوا چاتدی باشا اورجلوق
آغلاردی اهل معنا چاتدی باشا اورجلوق
.
زینُ العبادین اشکین توصیف ائدیم نه نوعی
واله او اشکه دریا چاتدی باشا اورجلوق
.
ایستیر تاپا خلاصی بند اسارتیندن
شیطانِ پست دنیا چاتدی باشا اورجلوق
.
دنیا حدیثه باخسان جنّتدی اهلِ کُفره
فکر ایله سن بو اثنا چاتدی باشا اورجلوق
.
بیر باب جنّت الله لطف ایلمیشدی بیر آی
مؤمنلره مهیّا چاتدی باشا اورجلوق
.
خوش حالینه او کس که درک ایلدی بو آیی
قیمت اونا یوخ اصلا چاتدی باشا اورجلوق
.
صد حیف اولا عزیزان ختم اولدی ماه رحمت
شوّالیدندی فردا چاتدی باشا اورجلوق
.
نفسیله عقل و عشقین احوالی باخ یاماندی
باشلاندی جنگ و دعوا چاتدی باشا اورجلوق
.
آهو کیمی چیخوبدوی داغلار باشیندا گزسّون
اوج ایلیوبدی اعلا چاتدی باشا اورجلوق
.
عجزیله واردی ایندی بیر خواهشیم الهی
عفو ائت جهانی یکجا چاتدی باشا اورجلوق
.
مؤمنلره چتیندی، یاتسون، چتین بو گونلر
یاتماز ائدلّه نجوا چاتدی باشا اورجلوق
.
من سُوزیله چکیم باخ بیر آهِ جانگدازی
سن آهی ایله معنا چاتدی باشا اورجلوق
.
آلدین مگر برات تقوانی ای مسلمان
ذرّه یوخون تمنّا چاتدی باشا اورجلوق
.
باخما دوتوب وجودین گرمای طاقت افزا
باشه چاتار بو گرما چاتدی باشا اورجلوق
.
بیل سن دمی غنیمت یالوار دئنن الهی
«بَردَاً»1اوت ایچره سرما چاتدی باشا اورجلوق
.
ای«سیدی» قوتار سن ایله حلولِ ماهه
دورت بش گونه تماشا چاتدی باشا اورجلوق
.
.
#رمضانیه #رمضانیه_وداع
#ای_اهل_دین_و_تقوا_چاتدی_باشا_اورجلوق #ترکی
.
.
#زبدةالاشعار
.
: @nohe_torki